Around GMA

Article Inside Page

Kasunod ng hudyat ni Kuya tungkol sa kanilang pagcheck out sa PBB Hotel, kinailangan nang magpaalam nina AZ Martinez, Ralph de Leon, at River Joseph sa Kabataang Pinoy housemates.

Sa nagdaang episode ng Pinoy Big Brother Celebrity Collab Edition 2.0, ipinasilip ang pagbisita nina AZ, Ralph, at River, ilan sa ex-housemates ng unang season ng collab.

Kabilang sila sa special visitors ng Kabataang Pinoy housemates na parte ng cast ng upcoming suspense collab series na The Secrets of Hotel 88.

Sa kanilang pagpapaalam, nag-iwan sila ng mahahalagang payo sa remaining housemates.

“Enjoy your time here. Make the most out of your last… I don't know how many days. You're going to miss it paglabas n'yo just as much as we did kaya sobrang happy namin na nakabalik kami rito,” sabi ni River.

Ayon naman kay Ralph, “Laban kasi hindi pa tapos 'yung mga Big Jump n'yo. Hindi pa secured 'yung Ultimate 8 so, as long as you can keep fighting. Don't forget the relationships you built. Do it for yourself, do it for your family, whatever pushes you to be better.”

Payo naman ni AZ sa kanila, “Ako, I would say na no matter what happens especially 'yung paglabas ninyo, 'wag n'yo kalimutan 'yung pinagsamahan n'yo sa loob. Kayo lang naman talaga nakakaalam sa lahat. Always pray kasi Siya naman talaga ang magga-guide and he knows when the time is right.”

Matatandaang si Ralph at ang Kapuso housemate na si Will Ashley ang itinangal na Second Big Placer Duo sa Big Night, habang sina AZ at River naman ang Fourth Big Placer Duo.

Abangan ang mga susunod na kaganapan sa loob ng Bahay Ni Kuya sa Pinoy Big Brother Celebrity Collab Edition 2.0.

Mapapanood ang reality show ng live sa GMA at Kapuso Stream, weekdays, 9:40 p.m., Sabado, 6:15 p.m., at Linggo sa oras na 10:05 p.m..

Maaari ring subaybayan ang mga kaganapan sa loob ng Bahay Ni Kuya sa All-Access Livestream na mapapanood sa link na nasa ibaba.

Related gallery: These ex-PBB Celebrity Collab Edition housemates are friendship goals