Viral beauty queen Janina San Miguel, kumusta na kaya?
Photo Inside Page
Photos
Ginulat ni Binibining Pilipinas World 2008 Janina San Miguel ang marami dahil sa pagbabalik niya sa beauty pageant scene matapos ang 15 taon.
Sumabak si Janina sa second preliminary screening ng Mrs. Face of Tourism 2023 at kapansin-pansin ang kanyang improvement sa pagsagot sa mga tanong ng panelista.
Matatandaang nag-viral si Janina sa Q&A portion ng Bb. Pilipinas 2008, kung saan hindi niya nailahad nang maayos ang sagot niya sa tanong ng judge noong si Vivienne Tan, anak ng business tycoon na si Lucio Tan, tungkol sa kung ano ang role ng kanyang pamilya sa pagsali niya sa Bb. Pilipinas.
Hinangaan naman si Janina ng maraming netizens dahil sa kanyang confidence sa Q&A portion ng Mrs. Face of Tourism 2023 kung saan sinagot niya ang tanong na may kinalaman sa civil status at relevance nito. Dito ay nagbigay siya ng reperensya sa winning response ng Fil-Am na si R'Bonney Nola Gabriel sa Miss Universe 2022.
Ibinida rin ni Janina ang kanyang "courage, perseverance, and patience" bilang paglalarawan sa kanyang sarili.
Tingnan ang buhay ngayon ni Janina San Miguel sa gallery na ito:
