Balik-Kapuso na si Isko Moreno, muling kilalanin!
Photo Inside Page
Photos
Masasabing homecoming para sa actor, host at politician na si Francisco “Isko” Moreno Domagoso ang kanyang pagpirma ng kontrata ngayong Huwebes (July 20) para maging official na Kapuso.
Dati nang naging tahanan ni Mayor Isko ang GMA Network. Dahil sa tulong ng starmaker na si Dadie Wowie Roxas, naipakilala siya sa showbiz legend na si German “Kuya Germs” Moreno at 'di kalaunan ay naging parte ng hit show na 'That's Entertainment.'
Matatandaan na pansamantalang iniwan ni Yorme ang mundo ng showbiz upang magsilbing public official sa lungsod ng Maynila. Una bilang city councilor, nanalo bilang vice mayor, at noong 2019 hinalal ng mga Manileño bilang kanilang mayor.
Ngayon naman, napapanood siya tuwing tanghali bilang host ng longest-running noontime show na 'Eat Bulaga.' Nagtayo na rin si Yorme ng isang startup media company na tinawag niyang 'Scott Media.'
Heto ang ilang trivia tungkol sa nag-iisang Yorme sa gallery na ito.
