Alden Richards at Kathryn Bernardo, kinakiligan sa birthday party ng aktres
Photo Inside Page
Photos
Spotted ang Asia's Multimedia Star na si Alden Richards sa 28th birthday celebration ng kaniyang 'Hello, Love Goodbye' leading lady na si Kathryn Bernardo kamakailan.
Lumipad si Alden patungong El Nido, Palawan para makisaya sa kaarawan ng kaniyang kaibigan at kapwa artista.
Marami naman ang natuwa sa muling pagkikita ng dalawa, kasama ang iba pa nilang 'Hello, Love, Goodbye' co-stars na sina Lovely Abella, Kakai Bautista, at Maymay Entrata.
Naglabasan naman sa social media ang ilang larawan nina Alden at Kathryn sa birthday party ng aktres na kinakiligan ng kanilang fans.
Sa isang kuha, makikitang nag-uusap ang dalawa habang nasa yacht party ni Kath.
Huli rin sa kamera ang pagkanta ni Alden ng "Bakit Ngayon Ka Lang" para sa birthday celebrant.
Aniya, hindi raw niya ito madalas gawin pero, para kay Kath, game niyang inawit ang OPM classic kasama si Kakai.
Tingnan ang iba pang larawan mula sa 28th birthday party ni Kathryn sa Palawan.
