Julie Anne San Jose at Stell Ajero concert, nagpa-excite sa fans
Photo Inside Page
Photos
Todo-todo na ang excitement ng fans sa upcoming concert nina Julie Anne San Jose at SB19 member na si Stell Ajero.
Noong Miyerkules (June 12), opisyal nang inanunsyo nina Julie at Stell ang kauna-unahan nilang concert together, ang "JulieXStell: Ang Ating Tinig," na gaganapin sa July 27 at 28 sa New Frontier Theater.
Ayon kina Julie at Stell, ito na ang sagot nila sa request ng fans na magkaroon sila ng concert together matapos ang The Voice Generations, kung saan kapwa sila naging coaches.
"Finally, now it's happening and we're so very excited," sabi ni Julie sa interview sa 24 Oras.
Pagpapatuloy ni Stell, "Sobrang exciting for me kasi... ako to be honest sanay lang ako nung concerts with SB19 talaga, pero 'yung ganito kalaking klaseng engagement with other artists na napaka kilalang-kilala rin and sobrang sikat."
Ayon kay Julie, ipapakita nila ni Stell ang iba't ibang klaseng range sa upcoming concert-- range ng kanilang mga boses, range nila together, at range ng OPM.
Matapos ang announcement, agad na ipinarating ng fans sa ang kanilang excitement at suporta para sa "Ang Ating Tinig" concert nina Julie at Stell.
