Alden Richards feels grateful as 'Hello, Love, Again' becomes highest grossing Filipino film
Photo Inside Page
Photos
Abot-abot ang pasasalamat ni Asia's Multimedia Star Alden Richards matapos maging bagong highest grossing Filipino film ang pelikula nila ni Kathryn Bernardo na 'Hello, Love, Again.'
Matapos lamang ang 10 araw simula nang ipalabas ito sa mga sinehan noong November 13, kumita na ng mahigit Php 930 million ang romantic film na napapanood sa mahigit 1,000 cinemas sa Europe, North America, Southeast Asia, and Middle East.
Idinaan naman ni Alden ang kanyang pasasalamat sa mga sumuporta sa kanilang proyekto ni Kathryn sa kanyang Instagram account ngayong Sabado, November 23.
Sulat ng Kapuso star, "Thank you for making this happen.
"We are truly grateful beyond words. Maraming, maraming salamat po sa inyong lahat.
"To GOD be the glory. #HELLOLoveAgain."
Kalakip ng kanyang post ang ilang behind-the-scenes photos nila habang kinukunan ang 'Hello, Love, Again.'
Kabilang rito ang sweet moments nila ni Kathryn kung saan makikita rin ang magandang tanawin sa Alberta, Canada kung saan nila kinunan ang pelikula.
Tingnan dito ang iba pang nakakakilig na larawan ng KathDen sa gallery na ito.
