Nora Aunor's cause of death revealed as acute respiratory failure
Photo Inside Page
Photos
Kinumpirma ni Ian de Leon sa interview ng 24 Oras na acute respiratory failure ang ikinamatay ng kanyang ina at National Artist for Film and Broadcast Art na si Nora Aunor.
Pumanaw ang multi-awarded actress noong Miyerkules, April 16, sa edad na 71.
"Technically and clinically speaking, the cause of death was acute respiratory failure," sagot ni Ian sa tanong ni Vicky Morales kung ano ang naging cause of death ng kanyang ina.
Ibinahagi rin ni Ian na wala pa silang opisyal na detalyeng natatanggap mula sa gobyerno tungkol sa state necrological services na gagawin para kay Nora Aunor sa libing nito sa Martes, April 22, sa Libingan ng mga Bayani sa Taguig.
"Yes, aside from a state funeral that will be conducted on Tuesday, we've spoken kaming magkakapatid. We've talked to each other. We're asking each other any updates from the local government and so far, wala pa pong official kaming natatanggap from them so if we do, we'll be sure to let you know," ani Ian.
Nakaburol ang labi ni Nora Aunor sa Heritage Park sa Taguig at bubuksan ito sa publiko ngayong Sabado at Linggo mula 10:00 ng umaga hanggang 4:00 ng hapon lamang.
BALIKAN ANG NAGING KARERA SA SHOWBIZ NG SUPERSTAR NA SI NORA AUNOR:
