Padre Salvi, nasa labas ng PBB house?
Photo Inside Page
Photos
Tila hindi talaga malilimutan ng marami ang iconic na karakter ni Juancho Trivino bilang na si Padre Salvi mula sa hit series na Maria Clara at Ibarra.
Kamakailan, muling napatawa ng aktor ang netizens matapos i-post ang isang edited photo sa kaniyang Instagram. Makikita siyang naka-costume bilang Padre Salvi na may hawak pang hanger at tila nasa labas ng Bahay ni Kuya ng Pinoy Big Brother Celebrity Collab Edition.
"Balita ko may nanggugulo dito ngayon ah…" ani Juancho sa caption, na agad namang ikinatuwa ng kaniyang followers.
Ang naturang post ay agad pinag-usapan sa iba't ibang social media platforms. Marami ang natawa sa ideyang papasukin si Padre Salvi sa PBB house, lalo na't nandoon din ang Pambansang Ginoo na si David Licauco, na gumanap bilang Fidel sa Maria Clara at Ibarra.
Matatandaang si Padre Salvi ang isa sa mga kilalang kontrabida sa 2022 hit GMA series na Maria Clara at Ibarra. Mas lalong sumikat ang karakter sa mga viral na videos kung saan makikitang umiikot si Padre Salvi sa modernong Maynila.
Samantala, mapapanood ang Pinoy Big Brother Celebrity Collab Edition weekdays 10:00 p.m. at weekends, 6:15 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.
Maaari ring silipin ang mga kaganapan ngayon sa loob ng Bahay ni Kuya sa All-Access Livestream ng programa sa GMANetwork.com Full Episodes.
BALIKAN ANG BEHIND-THE-SCENE PHOTOS MULA SA SET NG MARIA CLARA AT IBARRA DITO
