Around GMA

Article Inside Page

Blessed ang hunk aktor na si Wendell Ramos sa kanyang pagbabalik-Kapuso. Labing anim na taon din siyang napanood sa iba't ibang shows ng GMA at naging mainstay pa sa country's longest running gag show na Bubble Gang.

Sa eksklusibong panayam ng GMANetwork.com kay Wendell sa storycon ng bago niyang programa sa GMA, sinabi niyang masaya siya sa mainit na pagsalubong ng kanyang dating mga katrabaho.

"I feel so blessed na after a long time, I'm still welcome here. Makakatrabaho ko pa 'yung mga nakatrabaho ko dati. So, masarap lang sa pakiramdam. Wala akong masabi kung 'di I'm blessed," pahayag niya.

Nami-miss daw niya ang kanilang sketches sa Bubble Gang lalo na ang comedy group na Sexballs na kilala sa mga sexy production numbers. Siyempre, nilu-look forward din niyang mag-guest muli rito. "I'm looking foward to it. Siyempre, isang network tayo," saad niya.