Around GMA

Article Inside Page

Naka-relate si Kim Domingo sa post ng isang lalaking gumaganap na extra sa TV. Pag-amin ng Bubble Gang star, totoo raw ang mga ikinuwento nito dahil siya mismo ay naranasan na maging extra noon.

Simula noong siya ay nasa high school pa ay nagtrabaho na raw bilang talent si Kim. Ito rin daw ang mga panahon nangangarap siya maging isang artista at para makadagdag ng kaunting tulong sa kanyang pamilya.

Aniya, “Init, pagod, puyat, gutom, halo halo na yung nararamdaman mo. Tas pag kakain ka kahit saan nalang basta may mapwestuhan ka. Ako nga na-experience ko sa kalsada naglagay lang kaming mga kapwa ko talent ng sapin para may maupuan kami para makakain kami ng kahit papano kumportable.”

“Tapos after kumain mahaba-habang oras na naman aantayin mo kung kailan ka isasalang sa eksena. Yung hindi mo alam ano oras ka makakauwi. Antok na antok ka na. Hahanap ka ng pwesto para umidlip man lang,” patuloy niya.

Bahagi rin niya, masaya na raw siyang kumita ng Php 500 kahit mahigit 24 oras siyang nasa taping kung saan kinuhanan lamang siya bilang isang passer-by. Ngayon, mas masaya siyang nakamit niya ang kanyang hiling.

Nagpahayag din siya ng paghanga at suporta sa kanyang mga kapwa extra.

Sambit ni Kim, “Kaya sa mga nagta-talent dyan, kung gusto nyo ginagawa niyo ipagpatuloy niyo. Tiyaga at tiis lang dadaloy din ang ginhawa. At wag mawawalan ng pag-asa, kung para sa pangarap laban! Kung para kumita ng pera laban! At wag makakalimot sa nasa itaas at kung saan ka nagmula. Hindi biro ang ginagawa niyo at wala kayong dapat ikahiya dyan. Saludo ako sa inyo.”

 

I just saw this on facebook at hindi ko mapigilang hindi irepost dahil Totoo ito. Napakahirap ng buhay ng isang Talent. Hindi ko makakalimutan nung mga panahon na nagtatalent pako highschool days ko. Mga panahong nangangarap pa lamang akong maging Artista ???? Inet,pagod,puyat,gutom halo halo na yung nararamdaman mo. Tas pag kakain ka kahit saan nalang basta may mapwestuhan ka. Ako nga naexperience ko sa kalsada naglagay lang kaming mga kapwa ko talent ng sapin para may maupuan kami para makakain kami ng kahit papano kumportable. Tapos after kumain mahaba habang oras nanaman aantayin mo kung kailan ka isasalang sa eksena. Yung hindi mo alam ano oras ka makakauwi. Antok na antok kana. Hahanap ka pwesto para umidlip man lang. Masaya nako noon sa 500 pesos na nauuwi kong tf from 7am to 8am kinabukasan bilang passer by (yung dadaan ka lang sa eksena ) pero aabutin ka ng halos 24 oras sa taping ???? tapos yung tf ko na 500 kung minsan bibili ko ng damit or shoes para may magamit ako sa next taping pag tinawagan ako ulit ???? at madalas naman bigay sa magulang pangdagdag pambili ng mga pangangailangan namin noon ng pamilya ko. Madaming rason kung bat nagtatalent ang isang tao. Yung iba gusto nila madiscover dahil pangarap nila mag artista yung iba gusto lang talaga kumita ng pera, at kung ano ano pang rason. Pero ako noon dalawang dahilan. Dahil gusto ko madiscover dahil pangarap kona talaga mag artista bata pa lamang ako , at sympre ang kumita ng pera para matulungan ang magulang at sarili. Ngayon masaya ko, dahil ang dalawang dahilan na yon ay natupad na at sobra sobra pa sa hinangad ko. Kaya everytime makakakita ako ng mga talent palagi ko naaalala na minsan naging katulad din nila ko ????Nakikita ko sarili ko sakanila noon. Kaya sa mga nagtatalent dyan kung gusto nyo ginagawa nyo ipagpatuloy nyo. Tyaga at tiis lang dadaloy din ang ginhawa. At wag mawawalan ng pag-asa kung para sa pangarap laban ! kung para kumita ng pera laban ! At wag makakalimot sa nasa itaas ???????? at kung saan ka nagmula ???? Hindi biro ang ginagawa nyo at wala kayong dapat ikahiya dyan ???????? saludo ako sa inyo ????????????????????????????????????

A post shared by Kim Domingo (@therealkimdomingo) on May 23, 2018 at 2:17am PDT