Around GMA

Article Inside Page

Nagbigay ng pahayag ang Kapuso comedy genius na si Michael V. tungkol sa mga plano para sa dalawa niyang comedy programs, ang Pepito Manaloto at Bubble Gang.

Bukod sa pagiging lead star ng mga programang ito, tumatayo din si Bitoy bilang creative director dito.

Sa Tweet ng Kapuso comedy genius ngayong araw, December 3, ipinahayag niyang hindi lang nakasalalay sa kaniyang desisyon kung sino ang ipapasok na mga artista sa Bubble Gang at Pepito Manaloto.

Paliwanag niya, “Good morning Tweeps! As much as gusto kong magpasok ng ibang artista para maging cast ng #BubbleGang & #PepitoManaloto, hanggang suggestion lang po ako. Nasa GMA Network po ang final decision.”

Good morning Tweeps!

As much as gusto kong magpasok ng ibang artista para maging cast ng #BubbleGang & #PepitoManaloto, hanggang suggestion lang po ako.

Nasa GMA Network po ang final decision.

-- Michael V. GMA 🇵🇭 (@michaelbitoygma) December 3, 2018

Matatandaan na dalawang linggo na ang nakararaan nanawagan sa Facebook ang sexy singer na si Mystica, o Ruby Rose Villanueva sa totoong buhay, na gusto niya makatrabaho si Michael V.

Aniya, “I would say Michael V. [laughs]. Nandun si Michael V. in terms of Bubble Gang nga pala, kasi I remember 'yung mga nakaraang years ko noon when I was just getting started I actually was able to join Bubble Gang several times already.

“Nami-miss ko talaga because it's really a great show talagang nakaka-entertain, nakakatawa. Nanawagan ako kay Michael V na sana naman po kunin niya po ako sa Bubble Gang o kaya any program na nandun po siya. Kasi gusto ko siya makasama and of course idol ko siya.”