Around GMA

Article Inside Page

Hindi lang isa kung 'di dalawa ang leading men ni Martin del Rosario sa upcoming film na Born Beautiful. Sila ay sina Kiko Matos at Akihiro Blanco na parehong may kissing scenes sa Kapuso actor.

Martin del Rosario

WATCH: Martin del Rosario kisses two male co-stars in 'Born Beautiful' red band trailer

Ayon kay Martin, pareho naman niyang kinausap sina Kiko at Akihiro bago mag-take, lalo na't magkaiba ang personalities ng kanilang roles.

"Nabasa ko 'yung script pero hindi ko alam 'yung treatment. Pero I trust Direk Percy and Direk Jun, alam kong hindi nila ako pababayaan. 'Yung relationship kasi nila [ni Kiko], 'yung parang animalistic, sexual relationship. Si Aki naman, siya 'yung parang romantic and passionate," kuwento ng aktor sa kanyang bloggers' conference.

IN PHOTOS: Martin del Rosario at 'Born Beautiful' bloggers' conference

Dagdag pa niya, "'Yung unang eksena ko, may kissing scene ako kay Kiko Matos. Siyempre kabado ako, pero nag-usap kami ni Kiko doon bago mag-take, kasi ang instruction ni Direk is kahit ayoko na sa kanya, gustong-gusto ko pa rin siya. Pagdating ng take, kakabahan ka lang naman 'yung unang dampi lang, after nun, okay na. As Barbs naman ako, so feel na feel."

Ganun din daw ang naging paghahanda nila ni Akihiro. "Si Akihiro mas kabado. Mas kinakabahan din ako kasi galing na ako dun sa kissing scene kay Kiko. Sabi ko sa kanya, 'Since babae ako dito, pa-girl ako sa harap mo, wala kang choice, hindi kita susunggaban. Ikaw ang lalapit sa akin.' Lagi namin pinag-uusapan."

May pinagkaiba ba ang paghalik sa babae at sa kapwa lalaki?

"Parang wala naman, parang same lang," natatawa niyang sagot.