'Family History' premiere night, pinag-usapan sa social media

Ginanap ang premiere night ng Family History noong Martes, July 23.

Ang Family History ay ang pelikulang pinagbibidahan nina Michael V. at Dawn Zulueta at joint project ng Mic Test Entertainment at GMA Pictures.

Kasama nina Michael at Dawn sa pelikula sina Miguel Tanfelix, Bianca Umali, John Estrada, Paolo Contis, Nonie Buencamino, Kakai Bautista, Ina Feleo, Mikoy Morales, Nikki Co, Jemwell Ventinilla, at Vince Gamad.

Parte rin ng pelikula sina Primetime King Dingdong Dantes at ang multi-awarded comedienne and TV host Eugene Domingo.

Naging usap-usapan sa social media ang star-studded event na ito dahil sa dami ng kanilang kasamahan sa industriya na nagbigay suporta sa Family History.

Ilan sa mga dumating ay sina Alden Richards, Thea Tolentino, Arra San Agustin, Boobay, Tekla, Jak Roberto, Barbie Forteza, Valeen Montenegro, Luane Dy, Carlo Gonzalez, Sef Cadayona, Ryan Agoncillo, at marami pang iba.

Ang Family History ay “Graded B” ng Cinema Evaluation Board (CEB) at mapapanood nationwide starting Wednesday, July 24.