Around GMA

Article Inside Page

Hindi nakaligtas ang mayor ng Pasig City na si Vico Sotto sa pang-aasar ng kanyang ama, ang host ng Eat Bulaga na si Vic Sotto.

Sumama si Vico sa Facebook live na ginawa ng Eat Bulaga hosts sa pamamagitan ng Zoom para ipagdiwang ang kaarawan ni Vic ngayong araw, April 28.

Vico Sotto joins 'Eat Bulaga's Facebook live to celebrate Bossing Vic Sotto's birthday

Matapos magbigay ng mensahe ni Vico sa kanyang ama, niloko ni Vic ang kanyang anak sa muli nitong paggamit ng Zoom.

Kamakailan lang ay kumalat ang video ni Vico habang naka-teleconference kasama ang Foreign Correspondents Association of the Philippines (FOCAP) nang may biglang lumabas na di inaasahang litrato. litrato.

“Thank you, Mayor! Tuloy mo lang 'yung mabuting trabaho mo ha, I'm proud of you,” sagot ni Vic matapos marinig ang mensahe ng kanyang anak.

“Parang kamukha mo 'yung picture d'yan sa likod,” dagdag ni Vic. Pinapatungkulan niya ang kanyang sarili dahil may nakahandang larawan si Vico ng kanyang ama.

“Wala bang nakahubad ngayon? Walang bold?” biro ni Vic na siyang nagpatawa sa mga kasama nila sa video conference na sina Jose Manalo, Wally Bayola, at Paolo Ballesteros.

Sagot naman ni Vico, “Sabi nga nung producer niyo, magzo-Zoom daw tayo. Sabi ko, 'Sigurado ba kayong gusto niyo mag-Zoom?'”

“Maraming hacking daw ngayon [kaya] kinakabahan na ako mag-Zoom e.”

Panoorin ang nakakatuwang pang-aasar ni Vic sa kanyang anak:

Vico Sotto, thankful na walang "naka-BOLD" sa latest teleconference meeting niya