Around GMA

Article Inside Page

Nasa 12 na pampublikong ospital ang muling hinatiran ng GMA Kapuso Foundation ng personal protective equipment at iba pang supplies para sa patuloy nilang laban sa banta ng COVID-19.

Namahagi ng 200 faceshields, 600 washable PPE suits, 1,400 bote ng alcohol, 400 piraso ng germicidal soap, 2,212 bote ng mineral water at 18,865 piraso ng Dunkin' Donuts ang GMA Kapuso Foundation para sa frontliners at iba pang hospital workers.

Kabilang sa mga ospital na nabigyan ng supplies ang Philippine Children's Medical Center, Novaliches District Hospital, Amang Rodriguez Medical Center, Dr. Jose Rodriguez Memorial Medical Center, Jose Reyes Memorial Medical Center, Rosario-Maclang Bautista Hospital, National Children's Hospital, Rizal Medical Center, National Center for Mental Health, Caloocan City Medical Center, Quezon City General Hospital, at National Kidney and Transplant Institute.

Katuwang pa rin ng GMA Kapuso Foundation ang Joint Task Force-NCR ng AFP at Dunkin' Donuts.

Patuloy ang GMA Kapuso Foundation sa paglikom ng pondo para medical supplies na ihahandog sa COVID-19 frontliners at sa mga pampublikong ospital sa ilalim ng kampanyang Operation Bayanihan: Labanan Natin ang COVID-19.

Kasama na rin dito ang pagbibigay ng grocery packs para sa mga pamilyang hindi makapaghanapbuhay dahil sa enhanced community quarantine.

Maaaring mag-donate sa GMA Kapuso Foundation sa pamamagitan ng pagbisita sa kanilang official website.

Maaari din bumili ng GMA Kapuso Foundation vouchers mula sa Shoppee at Zalora, mag-convert ng Metrobank credit card rewards points, o gumamit ng PayMaya para mag-donate sa GMA Kapuso Foundation.