Sophia Señoron, inaming nakaranas din ng harassment habang kalahok sa beauty pageant
Around GMA
Around GMA
Dennis Trillo amid AACA 2025 win for 'Green Bones': 'Importante, matuto 'yung mga tao sa kuwento' Son of viral PUJ driver hired by DPWH after passing board exam GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
Miss Multinational 2017 Sophia Señoron on indicent proposals: "The biggest thing that I was offered was bahay, condo, car, everything." Read more:
Matapos magsalita ng dating beauty queen na si Janina San Miguel tungkol sa maitim na sikreto ng beauty pageants, naglakas loob din si Miss Multinational 2017 Sophia Señoron na isiwalat ang talamak na harassment sa nasabing industriya.
"Because you win, you become more of a prized target. The biggest thing that I was offered was bahay, condo, car, everything. Ang makapal pa 'yung mukha is hindi pa sa 'kin diniretso, sa nanay ko," bahagi ni Sophia sa panayam ni Nelson Canlas sa 24 Oras kagabi, June 11.
Dugtong pa niya, "People just think that women are easy targets and it's a terrible, terrible narrative.
"No matter where you are in the world, gano'n 'yung perspective. Women will always be considered as an object in some parts of the world and it's disgusting, and it's something that needs to stop."
Ayon pa kay Sophia, malaki man o maliit ang pageant ay nakakararanas ng harassment ang mga kandidata.
"Super grabe talaga 'pag local pageants. If you ever go to local pageants, you'll see the hunger in women's eyes, the hunger, the managers."
Masuwerte raw sila ni Janina dahil napabilang sila sa mga prestihiyosong pageants kaya't kontrolado ang mga ganito.
Ani Sophia, maganda na rin daw na napag-uusapan ito ngayon. "Putting a spotlight onto it, it's very important because we really do believe that women in the industry need protection."
Sa parehong ulat, nakapanayama din ni Nelson si Janina.
Ani Janina, good memory daw ang pagsali niya sa Bb. Pilipinas noong 2008. Gayunpaman, kung magkakaroon siya ng anak ay hindi niya ito papasalihin sa pageant.
Pahayag niya, "Kung magkaka anak ako, hindi ko papa-join ng pageant kasi baka mapahamak pa e. Hindi niya kayang dalhin 'yung ganoong industriya, 'di katulad ko na strong person."
Ito raw ay bagay na naiintindihan ni Sophia.
"Aside from the pressure of the competition, if you feel unsafe, mag-iiba ka talaga. You walk away from your dream which might be the most heartbreaking thing."
Ayon sa Miss World Philippines national director na si Arnold Vegafria, iniingatan nila ang kanilang mga kandidata para hindi makaranas ng harassment.
"Everywhere they go, they are always with chaperones, and some of them, the young ones, nire-require ko 'yung family nila or parents nila to be present."
Panoorin ang buong panayam ni Nelson Canlas sa 24 Oras:
