Around GMA

PH skateboarders win gold as Kayla Sanchez continues SEA Games dominance
Italian resto opens in Molito; promises 'refined but unpretentious' food
Duterte calls plunder, graft raps a 'fishing expedition'

Article Inside Page

Showbiz News

Hinirang si Allen Dizon bilang Best Actor sa 18th Gawad Tanglaw matapos bumida sa Pride Month at Father's Day special ng '#MPK.'

Isa na namang pagkilala ang maidaragdag ng award-winning actor na si Allen Dizon sa kanyang koleksiyon ng local at international na mga parangal.

Nasungkit kasi ni Allen ang award na Best Actor in a Single Performance sa 18th Gawad Tanglaw Awards.

Para ito sa pagganap niya bilang isang trangender woman sa Pride Month at Father's Day special ng real life drama anthology na #MPK o Magpakailanaman.

Sa two-part special episode na pinamagatang "Kailan Naging Ama ang Isang Babae: The Roxanne D'Salles Epic Story," binigyang buhay niya ang kuwento ni Roxanne D'Salles, isang former US Army na sumailalim sa gender reassignment surgery.

Lubos naman ang pasasalamat ni Allen sa award-giving body, pati na sa mga nakatrabaho niya sa episode.

"Salamat po sa bumubuo ng Gawad Tanglaw. Maraming salamat Direk Zig Dulay,sa bumubuo ng Magpakailanman at sa GMA 7 Kapuso!!!" sulat niya sa kanyang Facebook account.

Ang Gawad Tanglaw o Gawad Tagapuring mga Akademisyan ng Aninong Gumagalaw ay taunang parangal na kumikilala sa magagandang gawa sa larangan ng telebisyon, radio, print at pelikula.

Ang award-giving body ay binubuo ng mga media critics mula sa akademya.