Around GMA

Article Inside Page

Doble ang pag-iingat ni Asia's Multimedia star at Centerstage host Alden Richards ngayong may COVID-19 pandemic dahil hindi lang sariling kalusugan ang kanyang inalaagaan kundi pati ang sa mga mahal niya sa buhay.

Balik-trabaho na kasi si Alden at araw-araw na napapanood si Alden sa longest running noontime show na Eat Bulaga. Mayroon na rin siyang nagawang ilang endorsement projects.

Source: aldenrichards02

Dahil expose sa maraming tao, ibinahagi ni Alden Richards na hindi siya ganoon kadalas umuwi sa pamilya niya sa Laguna upang masigurong ligtas ang mga ito sa banta ng COVID-19.

“Ang top priority ko talaga is hindi makahawa ng family member especially 'yung grandparents ko kaya every labas ko, every 'Eat Bulaga ko,' I go home after two weeks na,” aniya.

Natutuwa at kuntento rin umano si Alden sa naging sistema ng mga endorsement project niya dahil siniguro umano ng staff na nasunod ang lahat ng health protocols bago simulan ang trabaho.

“Obligado ang lahat na mag-rapid test before entering the facility, sanitation, checking of temperature, minimal people are allowed to be in the studio. Tapos may mga taga-IATF to make sure na we finish… kasi parang eight hours lang ang binibigay, e,” dagdag pa ng aktor.

Samantala, bilang entrepreneur na naapektuhan din ng pandemya, hindi rin niya umano pinabayaan ang kanyang mga empleyado.

Aniya, hindi niya hinayaang mawalan ng trabaho ang kanyang mga empleyado.

“Hindi kami nag-lay off. Gumawa kami ng timeframe, ng scheduling. Since cut down ang work force, by schedule na lang sila.

“Nagbigay din tayo sa kanilang, especially nu'ng ECQ, ng pabigas. Mayroon po tayong allowance from their salary,” pagbabahagi pa ni Alden.

Samantala, nakatakda sanang magkaroon ng concert si Alden nitong July 25 ngunit hindi ito natuloy dahil sa pandemic.

Ang naturang event ay para sana ipagdiwang, kasama ang kanyang fans, ang 10th anniversary niya sa showbiz.

“May meeting kami. Kailangan namin i-rehash 'yung lahat ng plano kasi dapat natuloy po 'yan last July 25. Hopefully this year we'll push na ituloy 'yung concert kasi that's going to be my 10th year anniversary [concert],” dagdag pa niya.

Sa kasalukuyan ay abala si Alden sa kanyang ARGaming kapag walang trabaho.

Source: aldenrichards02