Around GMA

Article Inside Page

Mapanood ang award-winning South Korean series na Boys Over Flowers sa GMA News TV, simula ngayong gabi, January 4.

Tampok sa hit romantic-comedy series sina Ku Hye Sun, Lee Min-ho, Kim Hyung Joong, Kim Bum at Kim Joon.

Ang Boys Over Flowers ay kuwento ng isang charming at palaban na high school student na si Geum Jan-di (Ku Hye Sun) na nakadaupang-palad ang apat sa pinakamayayamang estudyante ng isang popular at prestihiyosong eskwelahan, sina Gu Jun-pyo (Lee Min-ho), Yoon Ji-hu (Kim Hyung Joong), So Yi-jung (Kim Bum) and Song Woo-Bin (Kim Joon) o mas kilala sa tawag na F4.

Si Jan-di ay mula sa payak na pamilyang nagmamay-ari ng dry cleaning store at biglang magbabago ang takbo ng simple niyang buhay nang makapasok siya sa prestihiyosong Shin Hwa High School, kung saan nag-aaral ang F4.

Lee Min-ho bilang si Gu Jun-pyo, Kim Hyung Joong bilang si Yoon Ji-hu, Kim Bum bilang si So Yi-jung, Kim Joon bilang si So Yi-jung, Kim Joon bilang si Song Woo-Bin at Ku Hye Sun bilang si Geum Jan-di.

Sa kasamaang-palad ay na-offend niya ang leader ng F4 na si Gu Jun-pyo. Dahil dito, siya ang magiging tampulan ng iba't ibang pranks at pambu-bully ng grupo.

Pero dahil likas na palaban, hindi nagpatinag si Geum Jan-di sa pagpapahirap ng grupo sa kanya at mas lalo pa niyang tinatagan ang loob para kalabanin sila, lalo na si Jun-pyo.

Dahil kakaiba si Jan-di sa lahat ng babaeng nakilala niya, kinakitaan ni Jun-pyo ang dalaga ng charm na naging susi para lumalim ang pagtingin niya rito.

Hindi na lamang subject niya ng pambu-bully si Jan-di. Ginagawa niya na ang iba't ibang pranks sa dalaga para mapansin siya nito.

Umabot sa puntong si Jan-di na lamang ang lagi niyang naiisip hanggang sa tuluyan na siyang napamahal dito. Lingid sa kanyang kaalaman, nagkakagusto na rin kay Jan-di ang bestfriend niya at miyembro rin ng F4 na si Yoon Ji-hu.

Ku Hye Sun bilang si Geum Jan-di

Bukod dito, kaibigan ang turing at tingin ni Jan-di kay Ji-hu dahil tanging ito lamang ang trumato sa kanya nang mabuti kahit sa maliliit na paraan.

Dahil sa agaw-pansing kabutihan at positibong pananaw sa buhay ni Jan-di, mahuhulog din ang loob ni Ji-hu sa kanya.

Pero sino kina Jun-pyo at Ji-hu ang makakapapatibok sa puso ni Jan-di?

Lee Min-ho bilang si Gu Jun-pyo, Ku Hye Sun bilang si Geum Jan-di, at Kim Hyung Joong bilang si Yoon Ji-hu

Abangan ang kanilang kuwento sa Boys Over Flowers, ang unang pasabog ng GMA Heart of Asia ngayong 2021.

Abangan ang Boys Over Flowers, simula January 4, Lunes hanggang Biyernes, 8:45 p.m. - 9:15 p.m. pagkatapos ng Where Stars Land sa GMA News TV.

Kilalanin ang cast ng Boys Over Flowers sa gallery na ito: