Around GMA

Article Inside Page

Tawag pansin hindi lamang dance skills pati na rin ang hot body ng Babawiin Ko Ang Lahat star na si Dave Bornea sa patok niyang TikTok videos.

Inusisa ng entertainment writer na si Rommel Gonzales si Dave tungkol sa mga videos niya online sa idinaos na media conference para sa finale ng Babawiin Ko Ang Lahat noong Biyernes, May 14.

Ayon sa Kapuso hottie, nakakataba raw ng puso na maraming nakaka-appreciate ng content niya sa TikTok.

Aniya, “So far po nakakatuwa naman po.

“Nagulat nga ako may mga page na naka-upload, tapos ang pangalan pa ng page 'Dave Bornea's updates'.”

“Tapos 'yung mga TikTok videos ko naka-upload doon mga recent TikTok videos ko, kaya nakakatuwa rin po, nakakataba naman po siya ng puso.”

Natanong din siya kung dumami ba ang nanligaw sa kanya after pumatok ang kanyang online content.

Natatawang tugon nito, “Wow ako ang nililigawan, ang pogi ko naman [laughs]”

Dagdag niya, “Admirers po, ligaw malabo po mangyari po 'yun, kasi, ewan ko hindi ko naman siya nararamdaman. Pero 'yung of course 'yung mga support and then 'yung mga naglo-love--nagkakagusto sa mga video ko nararamdaman ko naman.”

Natanong din si Dave ng entertainment writer kung nakatanggap na ba siya ng indecent proposal. Nag-open up naman ang Kapuso actor tungkol dito.

Saad niya, “Noong first time ko na-experience siya, of course parang too good to be true na mga ganyang offer na malalaki. Pero ako hindi ko siya masyado tinutuunan ng pansin kasi nga parang, para saan pa siya?

“And, of course hindi ko naman gaano kakilala 'yung mga nag-o-offer, hinahayaan ko lang siya, a-appreciate ko naman din sila.”

“'Yun nga parang I'm not into that kaya thank you na lang.”

Heto pa ang ilan sa celebrities nakatanggap ng indecent proposal at paano nila ito hinarap sa gallery below.