Around GMA

Article Inside Page

Inamin ni Miss World Philippines 2021 Tracy Maureen Perez na marami siyang sugat na nakuha sa kanyang pagkahulog sa coronation night.

Si Tracy ay dalawang beses bumagsak sa stage sa ginanap na coronation ng Miss World Philippines 2021.

Ibinahagi ng bagong beauty queen ang nangyari sa gabing ito sa interview ni Lhar Santiago.

Kuwento ni Tracy, marami man siyang sugat ay masaya naman siya dahil nakuha niya ang korona ng Miss World Philippines.

Photo source: @tracymaureenperez

"Actually madami po akong sugat sugat ngayon because of my fall. But sinabi ko na lang, sugatan n'yo na lang ako kahit ilang sugat, happy pa rin ako kasi nakuha ko pa rin 'yung crown."

Sa interview ay inamin ni Tracy na magkahalong emosyon ang naramdaman niya ng coronation night.

"Nakakahiya. I'm so embarrassed. Just last night, I was very torn between being very happy and very embarrassed. Hindi ko pa masyado napi-feel. Hindi pa nagsi-sink kasi mahihiya ba ako or maha-happy ba ako? Iiyak ba ako? Hindi ko pa alam ano'ng gagawin ko."

Saad pa ng Miss World Philippines 2021, pinili niyang iwasan muna ang magbasa ng social media posts.

"Nahihiya pa rin ako until now. Hindi pa ako nagbabasa anything online to be very honest. I haven't checked my social media just yet kasi parang hindi pa ako ready makita yung mga replay ng pagkabagsak ko twice."

Inamin rin ni Tracy na hindi niya maipaliwanag kung paano siya bumagsak sa stage.

"Iniisip ko nga po paano siya nangyari. It just happened. Parang hindi ko na rin ma-pinpoint the exact reason as to why I fell."

Sa mga nag-aalala kay Tracy, sinabi niyang walang dapat ipag-alala dahil nasa mabuti siyang kalagayan.

"I am happy, I am strong. For those who are worried, rest assured I am okay, guys. I just needed my rest.

"I know I will be able to get my rest naman in the coming days. But I'm ready. I'm just very happy. I think I'm glowing. Thank you to those who supported me since day one."

Binalikan ni Tracy ang koneksyon ng kanyang sagot sa interview sa nangyari sa kanya sa coronation night.

"I remember during the casual interview, I said, as a Cebuana, Cebuanos in general and I myself, I have lost many battles in my life, I fell so many times, but I stood back every single time."

"That's exactly what happened to me... Tumayo pa rin ako, at tatayo at tatayo ako kahit ilang beses kong kailangan kong tumayo."

Balikan ang interview ni Tracy sa video na ito:

Mapapanood ang Miss World Philippines 2021 coronation night ngayong October 10 sa GMA Network.

Kilalanin natin ang Miss World Philippines 2021 sa gallery na ito: