Around GMA

Article Inside Page

Bumida si Herlene Budol aka "Hipon Girl" sa #MPK o Magpakailanman nito lamang Sabado, October 23, upang ikuwento ang kaniyang sariling talambuhay.

Sa isang Facebook live video, inamin ni Herlene na masaya siya sa first major role na kaniyang ginampanan at natutuwa raw siya sa mga programang ibinibigay sa kaniya ng GMA. Kaya naman, proud daw si Herlene sa kaniyang pagiging Kapuso kahit na wala pa siyang exclusive contract dito.

"I'm so proud of being (a Kapuso) hindi pa naman totally pero I'm feeling (I feel) very special with Kapuso kasi siyempre sa tagal ng panahon na hindi na ulit ako lumabas. Simula nang mag-pandemic hindi ako lumabas akala ko hindi na ako kilala ng mga tao, pero binigyan ako ng chance ng GMA para mag-hello ulit sa mga fans. Kaya sobrang proud ako na Kapuso ako, hindi ako lilipat." kuwento ng 22 -year old comedienne.

Paglalahad pa ni Herlene, nakakatanggap din daw siya ng imbitasyon mula sa kabilang istasyon pero hindi niya ra ito tinanggap.

"May chika ako sa inyo kinukuha ako nung keme (kabilang istasyon) pero hindi ako pumupunta roon kasi nga I believe Kapuso is Kapuso," pag-amin ng aktres.

Nagpapasalamat din si Herlene sa GMA Network sa maraming oportunidad na ibinigay sa kaniya. Hindi niya rin nakalimutang pasalamatan si Wowowin host Willie Revillame na unang naka-diskubre sa kaniya nang minsan siyang maging contestant sa Wowowin.

"Siguro GMA pa rin ang pipiliin ko kasi sila 'yung nag-open sa'kin ng opportunity para makapasok (sa showbiz). Siyempre marunong akong tumanaw ng utang na loob lalo na kay Kuya Wil, ayan Kuya Wil namimiss na kita sana naman namimiss mo rin ako." saad ng aktres.

Sa ngayon mapapanood din si Herlene sa drama anthology series na Stories from the Heart: Never Say Goodbye, Lunes hanggang Biyernes, 3:25 p.m. sa GMA Afternoon Prime.

Samantala, mas kilalanin pa si Herlene Budol aka "Hipon Girl" sa gallery na ito: