Samantha Panlilio after Miss Grand International stint: 'Heartbroken and grateful'

Ipinarating ni Samantha Panlilio ang kanyang pasasalamat sa mga sumuporta at nagmahal sa kanya sa katatapos lamang na Miss Grand International 2021 na ginanap sa Bangkok, Thailand noong December 4.

Sa Instagram, ibinahagi ni Samantha ang kanyang saloobin nang mabigong makapasok sa Top 20 ng nasabing beauty pageant.

"Thank you all for the love and support. I am completely heartbroken but I know that I did my best and that's all that matters. I feel nothing but grateful. My heart is warm," pagbabahagi niya.

Pinasalamatan din ni Samantha ang kanyang grupo na naririyan palagi para sa kanya, "Thank you to my team who has been there with me every step of the way. Words can't describe how grateful I am for your support and dedication to this journey of ours."

Gayundin, pinasalamatan ng beauty queen ang kapwa niya kandidata at ang organisasyon ng Bb. Pilipinas para sa oportunidad na ibinigay sa kanya.

"To @bbpilipinasofficial for giving me this opportunity of a lifetime. And last but not the least, to my Samblazers, the Philippines for all the support, mahal ko kayong lahat. See you very soon," sabi niya.

Bago mamaalam sa kompetisyon, nakapasok si Samantha sa Top 10 Best in National Costume at sa Top 5 Best in Swimsuit.

Maraming netizens ang nabigla nang hindi nakapasok sa Top 20 si Samantha dahil sa magandang ipinakita nito sa preliminary competition.

Naiuwi ni Nguyen Thuc Thuy Tien ng Vietnam ang titulong Miss Grand International 2021 matapos na talunin si Miss Grand Ecuador Andrea Victoria Aguilera sa isang tie-breaker question.

Samantala, tingnan ang magagandang larawan ni Samantha Panlilio sa gallery na ito: