Around GMA

Article Inside Page

Mabilis na nag-trending sa Facebook ang feature story ng Kapuso Mo, Jessica Soho kamakailan tampok ang isang totoy sa Narra, Palawan na nakaapat na ng karelasyon dahil sa kanyang pagiging baby face na nakilala ng programa bilang si Ralnhero Dacasin.

Bukod sa marami ang naalarma na pabata na raw nang pabata ang mga nakikipagrelasyon ngayon, marami rin ang naintriga sa kuwento ni Ral.

Sa katunayan, umabot na sa mahigit 6 million ang views ng feature story sa Facebook at patuloy pa na umaani ng mga reaksyon mula sa netizens.

Sa panayam ng KMJS, napag-alaman ng programa na nasa hustong edad na pala si Ral upang makipagrelasyon.

Pahayag pa ni Ral, "18 years old na po ako at mag-19 years old na po ako ngayong April 16."

Pangalawa sa apat na magkakapatid si Ral, pero higit daw na mas matangkad sa kaniya ang bunso nilang kapatid.

Simula nang tumuntong siya sa ika-anim na taong gulang, tumigil na raw doon ang kaniyang paglaki at mabagal na nag-develop ang iba pang hormones sa kaniyang katawan.

Madalas din daw siyang tuksuhin dahil sa kaniyang pagiging maliit at madalas pa siyang mapagkamalang nakababatang kapatid ng kaniyang mga naging nobya.

Nang ipasuri ng KMJS si Ral, dito na napag-alaman ang kaniyang kondisyon. Ayon sa isang doktor na si Dr. Philip Banas, isang halimbawa ng "stunting" ang nangyari kay Ral.

Bagamat walang ibang nakitang abnormalities kay Ral, kinakailangan niya pa ring isailalim sa maraming tests.

Para sa buong kuwento, panoorin ang video, DITO:

Sa mga nais tumulong, maaaring magdeposito sa:

Metrobank
San Pedro, Puerto Princesa, Palawan
Account Name: SHIRLEY BALIBAL LAGRADA
Account Number: 5763576079797

Samantala, silipin naman sa gallery na ito ang mga istorya sa Kapuso Mo, Jessica Soho na pumatok noong taong 2020: