IN PHOTOS: Ang leading ladies ni Dennis Trillo
Photo Inside Page
Photos
Mahaba na rin ang narating ng karera ni Kapuso Drama King Dennis Trillo.
Nagsimula siya sa mga supporting roles noong 2001 hanggang naging contract star ng GMA Network at sumabak sa mga leading roles.
Ngayon, isa siya sa mga pinakamahusay na aktor ng kanyang henerasyon.
Lubos ang husay niya sa drama, pero maaasahan din siya sa larangan ng romantic comedy, action at fantasy.
Nagkaroon na rin siya ng ilang LBGTQ+ roles tulad ng closeted gay man sa primetime series na 'My Husband's Lover' at transgender woman sa war film na 'Aishite Imasu 1941: Mahal Kita.'
Marami na ring naiuwing acting accolades si Dennis tulad ng Movie Actor of the Year sa 2005 PMPC Star Awards at Outstanding Performance by an Actor in a Drama Series sa 2014 Golden Screen TV Awards.
Sa kasalukuyan mapapanood si Dennis sa cultural drama series na 'Legal Wives.'
Tulad ng romantic comedy series na 'The One That Got Away,' hindi lang isa kundi tatlo ang mga aktres na makakapares ni Dennis sa 'Legal Wives'.
Gumaganap si Dennis bilang isang Mranaw na nagngangalang Ishmael. Magkakaroon si Ishmael ng tatlong asawa na pakakasalan niya dahil sa magkakaibang rason.
Aminado si Dennis na nabigla siya sa tema ng serye noong una itong ibinigay sa kanya.
"Parang nabigla ako noong umpisa pero noong nabasa ko naman 'yung script, ang ganda ng ginawa nila rito. Mai-in love ka sa bawat character, mai-in love ka doon sa kultura,” pahayag ni Dennis tungkol sa kuwento ng serye sa isang panayam sa 24 Oras.
Para sa kanya, kahangahanga din daw ang karakter ni Ishmael at siguradong kagigiliwan ng mga manonood.
"Siya 'yung tao na iidolohin mo dahil iba 'yung paninindigan niya. Iba siya magmahal. Bawat tao sa paligid niya kaya niyang pakitunguhan kaya rin siguro nabigyan siya ng pagkakataon na magkaroon ng tatlong iibigin dito sa kwento dahil mapagmahal siyang tao," aniya.
Silipin ang mga leading ladies ni Dennis Trillo sa gallery na ito:
