Showbiz News

Ilang TikTok videos ni Bianca Umali, humakot ng mahigit 10M views

By EJ Chua

Bukod sa pagiging isa sa fastest-shining Kapuso stars dahil sa husay sa pag-arte, hindi rin nagpahuli si Bianca Umali sa kanyang entries sa trendy video-sharing app na TikTok.

Sa katunayan, karamihan sa dance covers at short content ni Bianca sa naturang app ay humahakot ng mahigit 10 million views.

Isa na rito ay ang kanyang entry para sa kantang “Buttons” na pinasikat ng American girl group na Pussycat Dolls.

Labis itong kinagiliwan ng netizens dahil hot na hot na ipinamalas ni Bianca Umali ang kanyang dancing skills sa video na ito at sa kasalukuyan ay mayroon na itong 14.5 million views.

Isa pa sa nag-trending na dance cover ni Bianca ay ang kanyang entry para sa kantang “Inferno” na pinasikat naman ni Bella Poarch.

Sa kasalukuyan, mayroon na itong 16. 5 million views at 1.6 million likes sa TikTok.

@bianxxxxxxxa

♬ INFERNO - Sub Urban & Bella Poarch

Ang bawat comment section ng videos ni Bianca ay napupuno ng fire emojis at nakakaaliw na mga komento mula sa netizens.

Samantala, tingnan ang glow-up transformation ni Bianca Umali sa gallery na ito: