Around GMA

Article Inside Page

Kabilang ang newbie Kapuso teen star na si Tanya Ramos sa Sparkada na ni-launch ng Sparkle GMA Artist Center kamakailan.

Isa ang aktres sa 17 young and fresh faces ng Sparkada na handpicked ng renowned star maker na si Johnny “Mr. M” Manahan.

Sa kauna-unahang media conference ng Sparkada kahapon, April 19, ibinahagi ng aktres na naka-impluwensya sa pagpasok niya sa showbiz ang amang si Wendell Ramos.

“I can say po na my dad influenced me talaga to enter showbiz pero ang sinabi niya po sa akin is nasa sa akin po 'yung desisyon. Pero kinuha ko po 'yung opportunity na 'yon,” sagot niya.

Ibinahagi rin ni Tanya ang showbiz advice na nakuha niya mula sa kanyang celebrity dad. Aniya, “Advice niya po sa akin is that always take my work seriously if I want my career to last. So hanggang ngayon, 'yun po 'yung pumapasok sa isip ko wherever I go, especially when he's not around.”

Bukod sa teen star, kabilang din sa Sparkada ang kanyang kapatid na si Saviour Ramos, na kasalukuyang nasa lock-in taping para sa upcoming mini-series na Raya Sirena.

Samantala, nakatanggap din si Widows' Web actor Anjay Anson ng showbiz advice mula kay Wendell, na aniya'y malapit na kaibigan ng kanyang pamilya.

Kuwento ng actor-model, “Ang pinaka-inspirational na sinabi sa akin ni Mr. Wendell Ramos, actually family friend din namin siya, always be humble and always put your feet on the ground. Kahit gaano ka pa sumikat dapat palagi kang humble.”

Ang iba pang bumubuo ng Sparkada ay sina Roxie Smith, Cheska Fausto, Kirsten Gonzales, Lauren King, Vanessa Peña, Caitlyn Stave, Dilek Montemayor, Jeff Moses, Kim Perez, Raheel Bhyria, Sean Lucas, Michael Sager, Vince Maristela, at Larkin Castor.

Kilalanin ang mga miyembro ng Sparkada sa gallery sa ibaba.