Around GMA

Article Inside Page

Ang Kapuso newbie na si Elle Villanueva ay kabilang sa leading stars ng nalalapit na GMA Afternoon Prime Series na Return To Paradise, kung saan gagampanan niya ang karakter ni Eden Santa Maria.

PHOTO COURTESY: _ellevillanueva (IG)

Makakasama ni Elle sa seryeng ito sina Kapuso hunk Derrick Monasterio at ang batikang aktres na si Eula Valdes.

Ayon sa Kapuso star, hindi raw siya naniwala noong una na siya'y kabilang sa lead stars ng show at si Sparkle actor Miguel Tanfelix ang naghatid ng balita sa kanya.

“Actually the first time na sinabi sa akin, hindi ako naniwala. Ang nagsabi pa sa akin si Miguel [Tanfelix] sa Voltes V habang nagte-taping kami. Tapos sabi niya, 'Uy, lead role ka. Congrats ah. May show ka raw bago Return To Paradise,'” kuwento ni Elle sa exclusive interview ng GMANetwork.com.

Patuloy niya, “Sabi ko, 'Oo nga Return To Paradise pero hindi ako lead ano ka ba.' Sabi niya, 'Hindi, lead ka.' Tapos hindi ako naniniwala kasi, naturally, maloko talaga 'yon.

"So hindi talaga ako naniwala hanggang sa… after a few days, chinat ako ng manager ko sabi niya, 'Congrats on your lead role.' Sabi ko, “Oh my God, totoo nga.'”

Masayang-masaya naman ang aktres dahil nagkaroon siya ng leading role sa isang teleserye.

Aniya, “Super happy ako, super tuwang-tuwa ako na ilo-launch na ako, nagkaroon ako ng lead role, ng sariling teleserye.”

Kabilang sa star-studded cast ng Return To Paradise sina Teresa Loyzaga, Ricardo Cepeda, Liezel Lopez, Kiray Celis, Karel Marquez, Paolo Paraiso, at Allen Dizon.

Samantala, silipin ang stunning looks nina Elle Villanueva at Derrick Monasterio noong MEGA Ball 2022 sa gallery na ito.