Around GMA

Article Inside Page

Matapos ang two-year hiatus dahil sa lockdowns na dala ng COVID-19 pandemic, magbabalik na ang Golden Laurel 2022: The Batangas Province Media Awards.

Pinapangaralan nito ang mga mahuhusay na personalidad at programa sa telebisyon, radyo, print, digital media at social media na iboboto ng mga Batangueno at mga mag-aaral ng Lyceum of the Philippines.

Ilang Kapuso shows at personalities naman ang nakatanggap ng nominasyon sa parangal.

Nominado para sa Best Celebrity Talk Show ang Mars Pa More at Sarap 'Di Ba.

Pagpipilian naman para sa Best Documentary Show ang I-Witness, Investigative Documentaries with Malou Mangahas, Reporter's Notebook, at The Atom Araullo Specials. Kapansinpansin na tanging GMA Network lang ang mga may nominees para sa kategorya ng documentary.

Kabilang naman sa mga nominees para sa Best Drama Actor si Kapuso Drama King Dennis Trillo para sa pagganap niya sa cultural drama series na Legal Wives, habang nominado naman para sa Best Drama Actress sina Connie Reyes para sa Love of My Life at Glaiza de Castro para Nagbabagang Luha.

Nominado naman ang #MPK o Magpakailanman, Regal Studio Presents at Tadhana para sa Best Drama Anthology Program.

Makikipagtunggali naman ang First Lady, Legal Wives, Little Princess, Mano Po Legacy: Her Big Boss, Nagbabagang Luha, at The World Between Us para sa Best Drama Series.

Nakatanggap naman ng nominasyon para sa Best Eduicational Program Host/s sina Chris Tiu para sa IBilib, Drew Arellano para sa AHA!, Dingdong Dantes para sa Amazing Earth, Ferds Recio at Nielsen Donato para sa Born to be Wild, at Rovilson Fernandez para sa Ang Pinaka.

Siyempre, nominado din para sa Best Educational TV Program ang AHA!, Amazing Earth, Ang Pinaka, Born to be Wild at IBilib.

Kasama naman sa nominees para sa Femanle News Anchor of the Year sina Maki Pulido ng State of the Nation, Mel Tiangco ng 24 Oras, Vicky Morales ng 24 Oras.

Sa kategorya naman ng Male News Anchor of the Year, nominado sina Atom Araullo para sa State of the Nation at Mike Enriquez para sa 24 Oras.

Nominado naman sa Best Magazine Show ang Kapuso Mo, Jessica Soho, habang nominado rin ang host nitong si Jessica Soho sa kategorya ng Best Magazine Show host.

Kabilang naman ang Unang Hirit sa nominees ng Best Morning Show, habang nominado para sa Best Variety Show ang All-Out Sundays. Nominees din ang team ng ensemble ng All-Out Sundays para sa Best Variety Show Hosts.

Nakatanggap naman ng nominasyon para sa Most Inspiring Social Media Personality with Social Cause sina Carla Abellana para sa suporta niya sa PAWS, Dingdong Dantes sa Yes Pinoy Foundation, Heart Evangelista para sa The Corridor of Hope Foundation at Thalassemia International, Jasmine Curtis-Smith sa World Vision Philippines, at Marian Rivera sa Smile Train.

Sina Heart Evangelista, Alden Richards at Marian Rivera naman ang mga Kapuso stars na kabilang sa mga nominees ng Most Inspiring Social Media Personality for Lifestyle and Entertaintment

Nominees naman para sa Best Public Service Program ang Pinoy MD at Wish Ko Lang, habang nominado rin ang mga hosts nitong sina Connie Sison para sa Pinoy MD at Vicky Morales para sa Wish Ko Lang bilang Best Public Service Program Host/s.

Kasama naman sa Best TV/Digital news platforms ang GMA News, habang nominado rin para sa Best TV/Digital News Program ang 24 Oras at State of the Nation.

Nominado naman para sa TV Station of the Year ang GMA-7.

Itatanghal ang Golden Laurel 2022: The Batangas Province Media Awards sa August 4, 2022 sa isang hybrid ceremony.

Good luck, mga Kapuso!