Around GMA

Article Inside Page

Aminado ang actress na si Andrea del Rosario na hindi niya inakalang muli siyang bibida sa pelikula. Kaya naman masaya ang aktres nang ibigay sa kanya ng Viva Film ang pelikulang May-December-January.

“Siyempre, nandoon na po ako sa age na… I'm in my mid-40s and I've been in the business na for almost 30 years. Kumbaga, nakuntento na ako sa pagiging character actress,” sabi ni Andrea sa ginanap na press conference ng pelikula noong Martes, October 4.

Patuloy pa niya, “I'm really happy whatever small, big roles they give me, it's all the same for me. So, when this was offered to me, siyempre, I'm very, very happy. But then again, siyempre, ninerbiyos ako kasi my lead movie was gazillion years ago, Lupe [2003]. Then, nag-second lead and so on and so forth.

“Ito yung parang next na lead role ko. So, siyempre, napaisip ako. Sabi ko nga, 'Boss Vic, ito yung next after gazillion years,' and then, ganun pa yung theme. But you know, I trusted everything and alam ko naman na binigay nila ito sa akin because it's a wonderful project.”

Dahil sa matagal na siyang di nakagawa ng pelikulang may halong pagka-sexy ang tema, kinailangan daw ni Andrea ang gabay ng direktor na si Mac Alejandre para kanyang intimate scenes.

“He helped me to give the best performance I can give to the role,” sabi ng aktres.

Dagdag pa niya, “You know, it was hard for me, but then again, alam ko naman na pagagandahin nila direk. So, I just give my full trust.

“Parang di ko alam kung papaano gagawin yung mga love scene. Para talaga akong virgin ba.

“When we did the love scenes, I didn't question direk. I just said yes to direk in however he wants to execute the scenes.”

Bukod sa love scenes, kinailangan din ni Andrea na baguhin ang istilo ng pag-arte dahil nasanay na siya sa mga proyekto sa telebisyon.

Ayon sa dating Love You Stranger actress, “Si direk, tinulungan niya ako to calibrate my acting because I've been doing a lot of soap operas. All TV-TV. We know na iba yung intensity [kapag TV]. I wanna give credit to my director kasi iba sa big screen, di ba?”

Sa kabilang banda, nakatulong daw ang kanyang personal na karanasan bilang ina para magawa ang iba pa niyang mga ekesena sa pelikula.

“Mahirap dahil malalim yung pinaghuhugutan ng role. Pero siyempre, mayroon na rin akong background because I'm a mom myself, so I just had to put myself to the role,” aniya.

Sa bandang huli, tinanong si Andrea kung magkakaroon pa ng pagkakataong gumawa siya ng ganitong klase ng pelikula.

Sagot ng aktres, “After this movie, you know, for me kasi you're only as good as your last performance. Right now, I'm just hoping that we'll have a wonderful return sa theaters. And my goal is to, hopefully, get an equally good project later.”

Ang May-December-January ay mula sa panulat ng National Artist for Film and Broadcast Arts na si Ricky Lee. Makakasama ni Andrea rito ang young actors na sina Kych Minemoto at Gold Aceron.

SAMANTALA, TINGNAN ANG MGA LARAWAN NI ANDREA BILANG ISA SA MGA HOT BABE NOON: