Around GMA

Article Inside Page

Magkakaroon na ng sariling comics series ang nag-viral na digital art characters na Kalsada Heroes tampok ang street vendors ng iba't ibang Pinoy street foods na ginawang superheroes ng multimedia arts student na si Emman Jacob San Andres.

Matatandaan na naging trending online ang nasabing digital art dahil sa pagiging unique nito at maka-Pilipinong tema kung saan naging mga superhero ang mga ordinaryong nagtitinda sa lansangan.

Ayon sa student artist na si Emman, maituturing din na modern-day heroes ang mga street vendors dahil sa kanilang sakripisyong ginagawa para sa pamilya.

Aniya, "I think it gives an important message to viewers that these ordinary vendors are actually our modern-day heroes. They're people who work hard for their families."

Dagdag pa niya, "I also thought I would give it a twist and make them superheroes since they are also real-life daily heroes; they feed us, they give comfort, and their sacrifices are very inspiring especially to their own families."

Ayon pa kay Emman, kadalasan ay maliit ang tingin ng mga tao sa pagiging street vendor kaya naman isang paraan ang kanyang obra upang makita sa ibang perspective ang naturang trabaho.

“People usually look down on their jobs but it is one of the most honorable jobs one could have," saad ni Emman.

Ngayong 2023 nakatakdang ilabas ng Pheroes Comics ang comics adaptation ng Kalsada Heroes na isinulat ng award-winning filmmaker na si Real Florido.

KILALANIN ANG ILANG COMIC BOOK CHARACTERS WHO ARE OPENLY GAY IN THIS GALLERY: