Kylie Padilla, Gabbi Garcia at Sanya Lopez muling magsasama para sa isang 'Mega Serye'
Muling magkakasama ang former Encantadia Sang'gres na sina Kylie Padilla, Gabbi Garcia at Sanya Lopez para sa isang 'mega serye' na handog ng GMA!
Makakasama rin dito sina Arra San Agustin, Michelle Dee at Rochelle Pangilinan.
Simula na ang training ng Kapuso stars para sa upcoming action-fantasy-series na siguradong susubaybayan ng mga manonood.
Sa interview ni Cata Tibayan sa 24 Oras, inilarawan ni Sanya kung tungkol saan ang naturang programa.
"Tungkol ito sa drama, sa lovestory, historical din ito at fantasy at nandoon din, halos lahat. Action. Lalo na ang action nandito. Pambata, matanda, mommy, daddy, buong pamilya talaga magkakasundo kapag pinanood ito."
Araw-araw, todo ang training ng mga Kapuso actress para sa kanilang extreme fight scenes. Sinisigurado nila na physically, mentally at emotionally fit sila para sa kanilang roles.
Ikinuwento naman ni Gabbi kung bakit niya tinanggap ang proyekto.
"I'm very brave sa mga ganitong klaseng concept and talagang inembrace nila ang women empowerment. Lalo na 'tong cast na 'to very powerful," sabi niya.
Kabilang din sa 'mega serye' na ito ang Kapuso hunk na si Vin Abrenica.
Sa Instagram,ipinasilip ni Vin ang pag-eensayo nila ni Kylie para sa naturang palabas.
Makikita sa video kung gaano kahusay ang dalawa pagdating sa kanilang fight scene training.
“Looking forward to this new journey! Husay mo gumalaw talaga kakai! Let's do it! @kylienicolepadilla #soon” sulat niya sa kaniyang caption.
Ngayon pa lamang, excited na ang mga Kapuso kung ano ba itong 'mega serye' na pagbibidahan nila Kylie, Gabbi at Sanya.
Tutok lang sa GMANetwork.com para sa iba pang detalye tungkol dito.