Around GMA

Article Inside Page

Kabilang si Ysabel Ortega sa loyal Kapuso stars na muling pumirma ng kontrata sa Sparkle GMA Artist Center sa naganap na contract signing event, ang "Signed For Stardom," noong November 22.

Sa exclusive interview ng GMA Network.com, ibinahagi ni Ysabel ang pasasalamat sa patuloy na pagtitiwala sa kanya ng Kapuso Network.

"Super grateful kasi I feel like this is another milestone sa career ko," sabi ni Ysabel.

Dagdag niya, "And when I think about this event, naisip ko ang una kong contract signing and from that point until now sobrang daming nang nangyari. Sobrang dami ng work na dumaan na I'm so grateful to have, and work na paparating.

"I'm just grateful sa GMA kasi I'm still a Kapuso until now and definitely for the next coming years... And talagang ime-make sure ko na every single project I have, I will give my 100 percent."

Noong Agosto, napanood si Ysabel bilang Cynthia sa primetime series na What We Could Be kung saan nakasama niya sina Miguel Tanfelix at Yasser Mata. Sunod naman na sasabak ang aktres sa isang palaban na role sa upcoming live-adaptation series na Voltes V: Legacy bilang si Jamie Robinson.

Sa interview, sinabi rin ni Ysabel ang ilan pa sa Kapuso stars na dream niyang makatrabaho sa isang serye.

"I want to work with Ms. Jaclyn Jose, Ms. Carmina [Villarroel], [and] Ms. Aiko Melendez," pagbabahagi ni Ysabel.

Ayon sa aktres, gusto niyang makatrabaho si Carmina sa isang drama series. Aniya, "Kasi super humahanga ako sa kanya."

Nais ding muling makasama ni Ysabel sa isang proyekto si Jean Garcia, na aniya, ay na-enjoy niyang makatrabaho.

MAS KILALANIN SI YSABEL ORTEGA SA GALLERY NA ITO: