Around GMA

Article Inside Page

Para sa Asia's Multimedia Star at Kapuso actor na si Alden Richards, remarkable raw ang taong 2022 para sa kaniyang career at negosyo.

Sa isang interview, ikinuwento ni Alden ang ilan sa mga pinagdaanan at naranasan niya sa buong taon.

Pagbabahagi ni Alden, “Ang daming hardships, ang daming discoveries but at the end of the day it's all about achieving your dreams, 'yung goal mo. 'Yung kahit papaano, kahit hirap na hirap ka… but, I was able to get through it.”

Isa sa highlights ng 2022 ng aktor ay ang pagkakabilang niya sa star-studded cast ng Philippine adaptation ng isang breakthrough Korean drama series, ang Start-Up PH.

Nito lamang December 23, 2022, napanood ang finale ng naturang GMA drama series, kung saan napanood si Alden bilang isa sa lead stars ng serye sa loob ng halos tatlong buwan.Insert link:

Ito ang kauna-unahang drama series na pinagtambalan ni Alden at ng Kapuso actress at movie queen na si Bea Alonzo.

Bukod kay Bea, nakasama niya rin dito ang Kapuso stars na sina Yasmien Kurdi, Jeric Gonzales, at marami pang iba.

Isa pa sa highlights ng taon na ito para kay Alden ay ang pagtatayo niya ng sarili niyang kompanya, ito ay ang Myriad Corporation.

Isa ang Myriad sa mga producer ng successful reunion concert ng kilalang OPM band na Eraserheads.

Kuwento ni Alden, “Everything entertainment, we do productions, we do live events… concerts. We also do esports. 'Yung esports… ano ko 'yun, department ko 'yun.”

Sa Sabado, December 31, 2022, pangungunahan ni Alden ang 'Kapuso Countdown to 2023 Gayo Daejeon' kasama ang Kapuso stars na sina Julie Anne San Jose, Rayver Cruz, Barbie Forteza, at marami pang iba.

Hindi pa man natatapos ang taong 2022, tila nakapila na ang mga bagong proyekto ni Alden para sa susunod na taon.

IN PHOTOS: ALDEN RICHARDS'S CAREER HIGHLIGHTS