Around GMA

Article Inside Page

Laman pa rin ng mga balita hanggang ngayong Huwebes, January 5, ang social media star na si Donnalyn Bartolome matapos maging viral ang Facebook post niya tungkol sa pagbabalik-trabaho.

Nag-trend pa sa Twitter Philippines ang pangalan ng content creator nang i-post nito na bakit may mga taong "malungkot" na back to work na.

Sabi niya, “Bakit may sad dahil back to work na? 'Di ba dapat masaya ka kasi may chance ka na pagandahin buhay mo at ng pamilya? Trip ko pa nga may work ng January 1 dahil superstition ko may work ako buong taon pag ganun.”

“Dapat grateful kasi may work.”

Umani ng samu't saring reaksyon ang opinyon na ito ni Donnalyn at marami ang pumuna sa kanya at sinabing “insensitive” raw siya.

Meron din namang ilan na nagtanggol sa YouTuber.

Samantala, nagbahagi naman ng kanyang saloobin sa naturang isyu ang TiktoClock host na si Kuya Kim Atienza.

Ayon sa Facebook post ni Kuya Kim kahapon, January 4, hindi raw lahat ng tao ay “blessed” na may trabaho, kung saan nag-eenjoy din nila.

Paliwanag ng Kapuso trivia master, “To do something you enjoy and get paid for it is a blessing.

“Some are not blessed this way despite the fact that they try so hard to find work they enjoy. They are blessed differently naman. A good wife? Beautiful kids? Good health? Iba-iba ang blessings. Iba't iba din ang diskarte sa iba't ibang break sa buhay. Just my 2 centavos. Back to you guys.”

Samantala, may kasunod namang paglilinaw ang host tungkol sa kanyang komento at wala siyang intensyon na patamaan ito.

Dagdag pa ni Kuya Kim, “mabait” daw si Donnalyn.

Lahad niya, “Good morning FB fam! This post is not meant to put down Donnalyn in any way. She is coming from a good place.

“The post just hit a raw nerve on the majority of the working public. Mabait si Donnalyn.”

TINGNAN ANG MGA NAIPUNDAR NG ILAN SA MGA SIKAT NA SOCIAL MEDIA STARS SA PILIPINAS: