Dennis Trillo, Bea Alonzo, Andrea Torres, at Sid Lucero, magsasama-sama sa 'Love Before Sunrise'
Around GMA
Around GMA
Spain probes whether swine fever outbreak was caused by lab leak Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Magkakatrabaho sina Dennis Trillo, Bea Alonzo, Andrea Torres, at Sid Lucero sa upcoming series na 'Love Before Sunrise.'
Nagsisimula na ang paghahanda para upcoming series na Love Before Sunrise na pagbibidahan nina Kapuso stars Dennis Trillo at Bea Alonzo.
Unang inanunsiyo ang proyekto noong pumirma ng kontrata ang GMA Network at leading pan-regional over-the-top (OTT) video streaming service Viu para sa kolaborasyon para sa dalawang bagong shows.
Masaya si Dennis dahil ang Love Before Sunrise ang magiging reunion project nila ni Bea matapos maging bahagi ng isang youth-oriented show noong 2002.
"Siguro ngayon 'yung perfect timing na pagsamahin kaming dalawa dahil doon sa experience namin sa film and TV. Para siyang movie na dinala sa telebesiyon," lahad ni Dennis tungkol kay Bea at sa bagong proyekto nila.
Ito rin daw ang magiging pagbabalik ni Bea sa isang genre kung saan lubos siyang minahal ng mga manonood.
"Ito ulit 'yung pagbabalik drama ko. Ito maraming iyakan, masasakit na mga salita, masasakit na mang sitwasyon. Excited akong gawin, excited akong bumalik sa drama," pahayag ng aktres.
Makakasama rin nina Dennis at Bea sina Andrea Torres at Sid Lucero sa serye.
"Medyo talagang marami kaming eksena na magkakabanggaan kami ni Bea, Dennis and Sid," bahagi ni Andrea tungkol sa mga dapat abangan sa serye.
Tulad naman ni Bea, excited na ring makabalik sa larangan ng drama si Sid.
"I've been doing a lot of action so it's nice to be doing a little bit more conversational and more emotional [scenes]," kuwento niya.
Source: sparklegmaartistcenter (Instagram)
Idinaos ng Love Before Sunrise ang story conference nito kung saan ipinakilala ang kuwento ng serye sa mga bibida rito.
Present sa story conference si Mark dela Cruz na magsisilbing direktor ng serye; Senior Vice President for Programming, Talent Management, Worldwide, and Support Group, and President of GMA Films Atty. Annette Gozon-Valdes; Senior Vice President for Entertainment Group Lilybeth G. Rasonable; at AVP for Drama Helen Sese.
"I'd like to thank Viu for being our partner for this project. We're all very excited for Love Before Sunrise. It has such an enthralling story and with such a solid cast headed by Bea Alonzo and Dennis Trillo. This is one soap opera that will really go down in history," pahayag ni Atty. Gozon-Valdes.
Mula naman sa Viu, dumalo rin sa story conference sina Deputy General Manager of Viu Philippines Vinchi Sy-Quia at Head of Content Partnerships Garlic Garcia.
"We want to make sure that the titles we do have on our platform are at par with the world and we believe that Love Before Sunrise is it, produced by the GMA Entertainmeng Group," bahagi ni Garcia tungkol sa serye.
Panoorin ang buong ulat ng 24 Oras sa Love Before Sunrise sa video sa itaas.
SAMANTALA, BALIKAN ANG MAKASAYSAYANG CONTRACT SIGNING SA PAGITAN NG GMA NETWORK AT VIU PHILIPPINES DITO:
