Around GMA

Article Inside Page

Balik pagvo-vlog na ang content creator at professional nurse na si John Steven Soriano o mas kilala bilang Nurse Even matapos ang walong buwan para ipakita ang pagdating ng kaniyang mga magulang sa United Kingdom.

Ayon sa sikat na medical content creator sa TikTok, huling vlog pa niya ay noong November 2024 at sa pagkakataon na ito balik vlogging siya dahil makakasama niya sa Newcastle ang mga magulang niya na sina Jonathan at Gloria na dadalo sa kaniyang wedding.

Sabi ni Nurse Even sa latest vlog niya, “Dahil ngayong araw po ay napaka-importanteng araw po para sa akin. Alam n'yo kung bakit?”

“Sobrang importante talaga nitong vlog na ito for me, dahil ngayong araw po ang dating ng parents ko dito sa UK. Dito sa Newcastle at susunduin po namin sila.”

Ipinakilala rin ng YouTuber ang kaniyang fiancé na si Paul at future father-in-law na nakasama niya papuntang airport para sunduin ang kaniyang mga magulang.

Bago ang reunion with his parents sinabi ni Nurse Even, “Super saya ko, mga Kunars. Ang saya ng puso ko.” Biglang biro, “Kasi, ang mahal nito e. [laughs]. Ako lahat ang gumastos, charot.”

Tingnan ang masayang pagkikita ni Nurse Even at kaniyang mga magulang sa vlog na ito.

Noong Abril, kinumpirma ni Nurse Even na engaged na siya kay Paul at limang taon na silang magkarelasyon.

SAMANTALA, KILALANIN ANG VIRAL CONTENT CREATOR NA SI NURSE EVEN SA IBABA