What's Hot
“'Pag gutom ka, matulog ka na lang” – Barbie Forteza’s ultimate diet tip
Published January 1, 1970 8:00 AM PHT
Updated July 1, 2020 8:53 AM PHT
Around GMA
Around GMA
Artemis astronauts more than halfway to Moon, putting Earth in rearview Get tested for free: why you must visit these diabetes screening hubs this April Daig Kayo Ng Lola Ko: Children Adventure Stories (Full Episodes Marathon) | Stream TogetherArticle Inside Page
Showbiz News
Effective kaya ang tip na ito?
By AL KENDRICK NOGUERA
PHOTO BY ELISA AQUINO, GMANetwork.com
Katatapos lang ng holidays kaya marami sa atin ang gustong magbawas ng timbang mula sa napakaraming pagkain na nakain sa long break. Mahirap naman talagang tanggihan ang mga handa sa Noche Buena at Media Noche kaya talagang mapapasubo ka kahit nagda-diet ka.
Isa si Kapuso actress Barbie Forteza sa mga hindi nakapagpigil na kumain nang marami noong holidays. Aniya, “Kain lang ako nang kain, pero expected ko na rin naman siya.”
Nag-umpisa raw ito nang mag-celebrate siya ng early Noche Buena kasama sina Bea Binene at Louise delos Reyes. “Nagluto si Bea ng lasagna, tapos nagdala ako ng hamon. Mayroon silang fried chicken at pancit. Basta masarap,” ani Barbie.
Tuloy-tuloy daw ang kain ni Barbie hanggang sa magbagong taon. Kuwento ng 'The Half Sisters' star, “Noong January 1, naroon ako sa Laguna sa mother's side ko [of the family]. Kain din ako nang kain doon ng spaghetti at leche flan. Paborito ko 'yung leche flan!”
Dahil sa sobrang dami ng kinain ni Barbie during the long break, kailangan niya raw mag-diet. Malaking tulong daw sa teen star ang nauusong meals with limited calories.
“Masarap siya kaso bitin. Kasi nga, limited sa calories na gusto mo. Ngayon, kina-career ko na siya talaga. Mas seryoso na 'ko sa pagsunod doon sa four meals na 'yon,” pahayag niya.
Dahil nga nabibitin si Barbie sa meals na ito, hindi niya raw naiiwasan ang makaramdam ng gutom. Dito niya na raw ginagamit ang kanyang pinaka-effective na diet tip.
“'Pag gutom ka, matulog ka na lang para hindi mo maisip 'yung gutom,” natatawang pagbabahagi ni Barbie.
Dagdag pa ng 'The Half Sisters' star, “So ngayon, dinidisiplina ko 'yung sarili ko na kapag gutom ako, matutulog na lang ako para hindi ko maramdaman 'yung gutom. Nakakaraos naman ako! (laughs)”
Sa huli, sinabi ni Barbie na masamang ginugutom ang sarili. Kailangan pa rin daw kumain nang tama sa oras. Bawasan lamang daw ang kinakain kung gustong mag-diet.
