Pampanga's Vilmark Viray makes graceful exit from 'The Clash 2021'
Around GMA
Around GMA
Dennis Trillo amid AACA 2025 win for 'Green Bones': 'Importante, matuto 'yung mga tao sa kuwento' Son of viral PUJ driver hired by DPWH after passing board exam GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
Tinanggap ni Vilmark Viray ang kanyang elimination sa 'The Clash 2021' matapos paboran ng panel ang kanyang katunggali sa 'Matira Ang Matibay' na si Mariane Osabel.
Pare-parehong hindi satisfied ang The Clash 2021 judges sa latest performance ng Kulot Crooner ng Pampanga na si Vilmark Viray sa kompetisyon.
Inawit niya ang "Di Lang Ikaw" ni Juris Fernandez sa "Round 5: Isa Laban Sa Lahat," kung saan nakatunggali niya sina Julia Serad, Mauie Francisco, at Mariane Osabel.
Ika ni Christian Bautista sa performance ni Vilmark, "I'm not sure if the magic na nakita ko before that you do is here tonight for this one. It was good. I just don't know if it's better than the others."
Malaki na ang expectation ng panel kay Vilmark kaya naman inaasahan ni Aiai Delas Alas na mahihigitan ng Clasher ang kanyang past performance, kung saan napaiyak niya ang Comedy Concert Queen sa rendition niya ng "Malaya."
"Kinukumpara ko kasi 'yung performance mo the last time na talagang naiyak ako.
"Talagang buong kaluluwa mo nilagay mo no'n so 'yun sana ang ine-expect ko na magiging performance mo kasi nasa top eight na kayo," komento ni Aiai sa pagkanta ni Vilmark ng "Di Lang Ikaw."
Paglilinaw pa ng hurado, "Siguro lang nag-e-expect ako ng more doon sa ginawa mo last time pero magaling ka din tonight."
Hindi na kinuwestiyon ni Lani Misalucha ang talento ni Vilmark.
Gayunpaman, sabi ng Asia's Nightingale, "We were looking for the same intensity or talagang mas gusto natin mas matindi."
Matapos ang performance ng apat na Clashers, nagdesisyon ang panel na ilagay sina Vilmark at Mariane sa bottom two kaya nagtapat sila sa "Matira Ang Matibay," kung saan inawit ni Vilmark ang "Dancing On My Own" ng Swedish singer na si Robyn.
Sa huli, pinaboran ng judges si Mariane kaysa kay Vilmark.
Tinanggap naman ni Vilmark ang kanyang pagkalaglag sa top six ng The Clash 2021 at nagpasalamat sa bumubuo ng programa pati sa kanyang kapwa Clashers.
"To be honest, I did my best. Every performance I make it a point na I'm giving my best and gano'n talaga sa competition, there's someone na mananalo, there's someone na matatanggal. And siguro hindi lang 'yun 'yung perfect time para do'n sa kanta ko kanina," pahayag ni Vilmark matapos ma-eliminate sa The Clash 2021.
Mapapanood ang The Clash 2021 tuwing Sabado, 7:15 p.m., at Linggo, 7:40 p,m., sa GMA.
May livestreaming din ang programa sa oficial Facebook, YouTube, at TikTok pages nito.
Samantala, maaaring mapanood ang episodic highlights ng The Clash 2021 sa GMANetwork.com o GMA Network app.
