PANOORIN: Maine Mendoza, nangisay sa kilig sa 'Bawal Judgmental'

Kakaibang kilig ang hatid ng January 30 episode ng “Bawal Judgmental” segment ng Eat Bulaga tampok ang mga lisensiyadong piloto.

Guest celebrity judge sa episode si Kapuso singer-actress Rita Daniela at doon ay nasubok ang galing ng kanyang gut feeling.

Kabilang sa mga contestant o choices na “huhusgahan” ni Rita ay sina reporter Steve Dailisan, Jeric Fortuna, Steffi ng Quezon City, Jeremy ng Manila City, Kiano na tubong Valenzuela, Khasim na taga Antipolo City, Xaxa mula Las Piñas at Jeric ng Parañaque City.

Pero ang kakaiba sa episode na ito, puno ng kilig ang mga tagpo dahil nagmistulang mga match-maker sina Eat Bulaga hosts Maine Mendoza, Jose Manalo, Wally Bayola at Allan K sa mga naging contestant.

Kabilang sa mga hindi nakapagpigil ng kilig ang isa sa Eat Bulaga Dabarkads na si Maine Mendoza.

Sa video kung saan huling-huli ang pangingisay niya sa kilig, sabi ni Maine, “Masarap kiligin kahit para sa ibang tao! Hay nako Steffi and Jeremy, push niyo na yan! Kilig to the bones kami lahat lalo na meee! #BawalJudgmental”

Nag-trend din ang kilig moment na ito sa Twitter at pinagkaguluhan ng netizen.

Panoorin ang nakakikilig na ganap sa "Bawal Judgmental" dito: