Around GMA

Article Inside Page

Matapos ang mahabang panahon, muling magiging magkatrabaho sina Queen of Creative Collaborations Heart Evangelista at Paolo Contis sa I Left My Heart in Sorsogon.

Kuwento ni Heart, perfect si Paolo sa karakter ni Mikoy, ang ex-boyfriend ng kanyang karakter na si Celeste.

“I'm so excited kasi siyempre you have Richard [Yap], and you have Michelle [Dee], and there's Paolo,” pag-amin ni Heart.

“It was hard to find somebody to play Mikoy and Paolo's actually the first one na nag-script reading."

"So, I'm excited na nabuo na kami finally kasi na-delay kami in the beginning kasi we needed someone like Paolo, and Paolo showed up.”

Para naman kay Paolo, suwerte siya dahil siya ang napili ng programa at ni Heart upang gampanan si Mikoy.

Dagdag niya, “I'm very excited, masaya ako na naka-attend ako doon sa script reading na 'yun. Siyempre sinubukan ko namang galingan para mapili ni Ms. Heart.”

Kilala si Paolo sa pagiging komedyante bilang parte ng longest-running gag show na Bubble Gang pero pinatunayan niya na kaya niya ring magdrama simula noong bumida siya sa pelikulang Through Night and Day.

“For me this is new, sobra, kasi kahit naman 'yung ibang mga ginawa ko kahit sabihin mo na 'leading man,' pilyo pa rin. So this is something very different,” paliwanag ni Paolo.

“And alam naman natin kung gaano ka-quirky 'yung character ni Heart so it's my job na makasabay sa kanya, more than anything.”

Masaya naman si Paolo na nagkaroon siya ng mga oportunidad upang mas lalo pang maipakita ang kanyang talento sa pag-arte. At sigurado siya na ipapapanood niya ang I Left My Heart in Sorsogon sa kanyang anak na si Summer Ayana.

“At least ito 'yung puwedeng niyang (Summer) panoorin kasi 'yung Bubble, hindi niya puwedeng panoorin 'yun, e,” saad ni Paolo.

"At least ito mapapanood niya, magiging proud siya."

Bukod kina Heart, Richard, at Paolo, bibida rin sa I Left My Heart in Sorsogon sina Kapuso Breakout Star Kyline Alcantara at Mavy Legaspi.

Makakasama rin nila sa palabas sina Elizabeth Oropesa, Rey PJ Abellana, Shamaine Buencamino, Aubrey Miles, at Marina Benipayo.

Abangan ang I Left My Heart in Sorsogon, malapit na sa GMA Telebabad.

Samantala, tingnan sa baba ang interesting facts tungkol sa pelikula ni Paolo Contis na Through Night and Day.