Around GMA

Article Inside Page

Tila naka-relate daw si Paolo Gumabao sa karakter niya sa pelikulang Spring in Prague. Bilang Alfonso, na-inlove siya kay Maruska Ruzicka, na ginampanan naman ng Czech-Macedonian actress na si Sara Sandeva.

“Para sa akin, it was a very interesting experience kasi yung dalawang characters kakakilala lang nila. In real life, kami ni Sara, kakakilala lang din namin.

“So in the movie, makikita mo na dapat yung dalawang characters na yun ay nagkakapaan pa. Hindi pa namin maintindihan masyado kung ano yung dynamics namin as a couple.

“Dito sa movie, nadala na namin sa pelikula yung pag-arte yung parehas kaming nangangapa sa pagiging artista naming—kung paano siya umarte, kung paano ako umarte.”

Pagdating naman sa tunay na buhay, natanong ng entertainment press si Paolo kung posible siya ma-in love sa isang foreigner.

Sagot niya, “In love na ako sa foreigner ngayon, ha,” sabay tingin sa Filipino-Australian girlfriend na si Monina Lawrence.

Patuloy niya, “Yes, gustung-gusto kong ma-in love sa foreigner.”

Related gallery: celebrities who fell in love with foreigners

Love on TikTok

Sa hiwalay na panayam, nabanggit ni Paolo kung paano niya nakilala ang kanyang girlfriend, na ipinanganak at lumaki sa Laguna.

“Sa TikTok Live,” sabi ng aktor. “Na-live siya, sabi ko, 'Oh, may foreigner.' Sa TikTok kami nagkakilala. Noong una, hindi niya ako pinapansin kasi nag-message ako sa kanya, e. Sabi niya, fuccboi daw ako. Sabi ko, hindi, loveboy baka.”

Natutuwa naman daw siya dahil nag-click sila sa isa't isa ng kanyang girlfriend.

“Parehas kaming baliw,” paglalarawan niya.

“Siguro sa relationship bigla n'yo na lang makikita na baliw kayo. Hindi lang kayo baliw sa isa't isa pero baliw kayo in general.

“Doon kami nag-click. Makulit kami. She understands yung kabaliwan ko. She understands what I do. She understands how seriously I take this job.

“For me, it's not easy. Alam ko naman it's not easy watching your partner kissing someone else on screen. Pero she's always there. She's always watching my film. She's always supporting all the films na ginagawa ko regardless kung may kissing scene ba o wala.”

Related gallery: Celebrities na nakilala ang kanilang partner sa dating app

Sa kabilang banda, ayon kay Paolo, minsan nang lumabas sa ilang commercials si Monina noong bata siya.

“Mukha siyang foreigner, di ba? So, when she was younger, siguro mga five years old, nagpi-print ads na siya, nagko-commercials na, nagmo-modeling. Then, she had to stop. She had to work kasi breadwinner siya ng family,” kuwento niya.

Ngayon ay sinusubukan niyang muling pumasok sa showbiz, dahil na rin sa pang-eengganyo sa kanya ni Paolo.

“Noong nakilala niya ako, I encouraged her. Sabi ko, if you wanna start acting, start acting. If this is what you wanna do then, do it. Huwag mong isipin kung mahirap if this is what you wanted,” pagtatapos ni Paolo.