Around GMA

Article Inside Page

Hindi maitatanggi na nag-iwan ng espesyal na marka sa puso ng marami ang GMA superserye na Encantadia Chronicles: Sang'gre.

Sa dala nitong mahika sa telebisyon at sa mismong set nito, naging tulay ito ng mga kuwento ng pag-asa, inspirasyon, at mahahalagang aral para sa Encantadiks at maging sa cast.

Sa nalalapit na pagtatapos ng isang yugto, isa-isang ibinabahagi ng Sang'gre stars ang kanilang taos-pusong pasasalamat sa naging paglalakbay nila sa mundo ng Encantadia.

Kabilang sa nagbahagi ng mensahe ang sinaunang Kambal-Diwa stars na sina Patricia Tumulak at Ina Feleo.

Sa kanyang Instagram page, masayang binalikan ni Patricia ang kanyang karanasan bilang Kambal-Diwa ng Brilyante ng Hangin na si Erenea. Makikita sa mga larawan at video ang ilang behind-the-scenes moments ng Kapuso star habang suot ang kanyang majestic costume. Tampok din sa post ang kanyang kulitan kasama ang iba pang Kambal-Diwa at Sang'gre stars.

"Grateful to be part of this show! Catch the finale tonight! Hathor va shanaya, Erenea," aniya sa captions.

View this post on Instagram

A post shared by Patricia Tumulak (@patty_push)

Samantala, masaya ring nagpasalamat si Ina sa oportunidad na maging bahagi ng superserye bilang Kambal-Diwa ng Brilyante ng Apoy na si Lavanea.

"Ang isang araw na taping ay nauwi sa iilan pa dahil sa matinding suporta mula sa mga nagmamahal sa Encantadia/Sanggre. I will always be thankful for Lavanea and the loving fans that came with it. Maray na avesa. Hanggang sa muli!" sulat niya.

Huwag palampasin ang epic finale ng Encantadia Chronicles: Sang'gre, 8:00 p.m. sa GMA Prime at 9:45 p.m. sa GTV. Mapapanood din ito online via Kapuso Stream sa Facebook at YouTube.

Samantala, silipin ang highlights ng Encantadia Chronicles: Sang'gre finale media conference sa gallery na ito: