Around GMA

Article Inside Page

Looking for a celebrity endorser si Pepito (Michael V.) para sa bago nilang produkto sa PM Mineral Water na kanilang i-e-export.

Kaya naman itong si Vincent (Tony Lopena), ipinitch sa ating bida milyonaryo na kunin ang aktor na si David Ortega para maging brand ambassador.

Approved na ni Boss Pepito ang campaign at ang girls sa PM Mineral, kilig na kilig na makita si David.

Pero, mukhang may gusot sa plan ni Vincent, dahil walang oras ang hunky celebrity para i-shoot ang commercial para sa product endorsement niya sa PM Mineral.

Ano ang gagawin ni Vincent kapag nalaman ni Pitoy na may sablay sa campaign idea niya?

Samantala, mapapagalitan naman naman si Pepito ng misis sa pagbili nito ng isang Voltes V toy.

Puna ni Elsa (Manilyn Reynes), bumibili siya ng mga gamit na hindi naman kailangan.

Paano kaya kung magbaliktad ang sitwasyon at si Mrs. Manaloto naman ang mahuhumaling sa paggastos para sa isang promo na magamit ang VIP lounge sa isang department store. Makapag-react pa kaya si Elsa sa tuwing may bagong laruan si Pepito?

Wow ang tawanan sa paborito n'yo na sitcom this weekend, dahil makikisaya sa atin sina Jon Lucas, Via Antonio, at Sophia Señoron.

Mag-bonding with the whole family ngayong Sabado sa panonood ng Pepito Manaloto, Tuloy Ang Kuwento 6:15 p.m., after 24 Oras Weekend at bago mag-Battle of the Judges.