Pinoy fantasy movies, tampok sa I Heart Movies ngayong linggo
Around GMA
Around GMA
P1.224-M worth of illegal firecrackers seized ahead of New Year revelry – PNP Davao police say boy’s injury not caused by firecrackersArticle Inside Page
Showbiz News
Kabilang ang ilang Pinoy fantasy movies sa mga pelikulang mapapanood sa I Heart Movies ngayong linggo.
Maglakbay patungo sa mga kakaibang mundo kasama ang mga Pinoy fantasy movies na hatid ng digital channel na I Heart Movies ngayong linggo.
Tampok si Kapuso actor Rocco Nacino sa Ibong Adarna: The Pinoy Adventure na isang panibagong adaptation ng 16th-century Filipino epic poem na Ibong Adarna.
Kasama ni Rocco rito ang isang star-studded at award-winning cast na kinabibilangan nina Joel Torre, Angel Aquino, Leo Martinez, Ronnie Lazaro at marami pang iba.
Abangan ang Ibong Adarna: The Pinoy Adventure sa April 7, 8:00 p.m. sa Pinoy Movie Date.
Pang Gen Z naman ang fantasy adventure film na Magikland na pinagbidahan ng young Kapuso stars na sina Miggs Cuaderno at Elijah Alejo.
Tungkol ito sa mga batang gamers na mata-transport sa mundo ng isang fantasy mobile game na tinatawag na Magikland.
Isa ito sa official entries ng 2020 Metro Manila Film Festival kung saan natanggap nito ang Best Musical Score, Best Visual Effects, Best Production Design, Best Virtual Float, FPJ Memorial Award at posthumous Special Jury Prize para sa producer nitong si Peque Gallaga.
Huwag palampasin ang Magikland, April 10, 8:00 p.m. sa Pinoy Movie Date.
Mapapanood ang I Heart Movies sa channel 5 ng digital TV receiver na GMA Affordabox at GMA Now. Available din ito sa iba pang digital television receivers.
