Puerto Rico ang host ng 75th Miss Universe pageant
Around GMA
Around GMA
El Niño expected to threaten parts of Luzon, Mindanao, DA warns Thai BL pair Sea Dechchart, Keen Suvijak to hold 'Hi By My Luck' screening in Manila and Cebu Farm to Table: Ihaw-ihaw weekendArticle Inside Page
Showbiz News
Gaganapin ang 75th Miss Universe pageant ngayong November sa Jose Miguel Agrelot Coliseum sa Puerto Rico.
Panahon na para maghanda at mag-ayos ng schedule ang mga pageant fans and aficionados dahil ibinahagi na ng Miss Universe organization ang date at venue para sa 75th Miss Universe pageant.
Ibinahagi ng Miss Universe organization sa kanilang opisyal an Facebook page na gaganapin ang 2026 Miss Universe pageant sa November 24, 2026, sa Jose Miguel Agrelot Coliseum sa Puerto Rico. Ayon sa organization, ang pageant ay magiging “celebration of beauty, purpose, and the women shaping the future.”
Si Bea Millan-Windorski ang representative ng Pilipinas sa pageant, at simula nang mapanalunan niya ang Miss Universe Philippines crown ay naging busy na ang beauty queen sa charitable activities at advocacy work.
Noong June, nakibahagi sa isang seedling planting activity ng NGO na Waves for Water Philippines si Bea. Ginanap ito sa Tingtingin Forest sa Zambales at naging oportunidad din kay Bea para mapagaralan ang floral, fauna, at mycelium networks ng bansa. Nakita rin ni Bea kung paano maging stewards of the environment ang mga Aeta communities sa lugar.
Binisita rin ni Bea ang Katutubo Village Elementary School in Porac, Pampanga bilang parte ng isang dental mission para sa Aeta community, kung saan kasama niya ang mga appointed winners ng The Miss Philippines organization.
Related gallery: Here are the winners of the Miss Philippines 2026
Si Bea din ang nag-deliver ng keynote address sa UNICEF Green Rising Impact Expo 2026, kung saan nagsalita siya tungkol sa “climate conservation, good governance, youth empowerment, and the power of collective action in building a greener Philippines.”
Sa caption ng kanyang Instagram post tungkol sa event, hinikayat ni Bea ang kaniyang mga fans at social media followers na tandaan na “resilience is not only about surviving challenges, it is about uplifting voices, amplifying stories that matter, and creating hope through action.”
Maliban sa advocacy work, pinapasok na rin ni Bea ang local fashion scene. Naging parte siya ng bridal couture fashion show ng fashion designer na si Ryan Ablaza Uson nitong June. Sa kaniyang Instagram post tungkol sa fashion show, sinabi ni Bea na karangalan na maging parte ng show suot ang “ballgown of striking contrasts; composed of meticulous beadwork and masterful draping.”
Pumirma rin si Bea ng kontrata sa local clothing brand na Bench bilang isang model at endorser para sa brand. Ayon kay Bea, dream come true maging parte ng Bench family.
Related gallery: Bea Millan-Windorski's stunning MUPH looks
