Around GMA

Article Inside Page

Hindi muna tumatanggap ng mga proyekto ngayon si Kapuso actress at beauty queen Rabiya Mateo.

Ang showbiz break na ito ay paghahanda daw sa isang bagong yugto ng kanyang buhay.

"It's a calling and I'm so happy to share this to everybody, to let you guys know that I'm going to go back to med school. I wanted to become a doctor ever since," lahad ni Rabiya sa online show na From the Heart with DJ Chacha.

Bukod sa matagal na niyang pangarap maging doktor, naging inspirasyon din daw ni Rabiya ang kanyang mental health.

Matatandaang isinapubliko ni Rabiya nitong January na-diagnose siya ng major depressive disorder with anxious distress.

"Siguro isa rin sa fact because I really want to understand my situation right now. And aside from that, gusto ko rin makatulong overall," paliwanag niya.

Hindi naman daw nanghihinayang si Rabiya sa mga oportunidad na nawala sa kanya dahil sa pagpapahinga niya sa showbiz at maging sa pagbabalik niya sa kolehiyo.

"I am also blessed na at least nandito na rin ako sa point ng life ko na I think I was able to save enough, may mga investments na rin ako, some businesses na would support my studies. At ito po talaga 'yung gusto ko, parang I have been praying for this," bahagi niya.

Bago pumasok sa showbiz, natapos ni Rabiya cum laude ang kursong Bachelor of Science in Physical Therapy Program sa Iloilo Doctors' College.

SILIPIN ANG IBA PANG CELEBRITIES NA PINILING ITULOY ANG KANILANG PAG-AARAL DITO: