Around GMA

Article Inside Page

Dahil malapit na ang selebrasyon ng Valentine's Day, naghandog ang singer na si Rachel Alejandro ng nakakikilig na performance ng awitin niyang “Mr. Kupido.”

May virtual guesting ngayong umaga, February 9, si Rachel sa morning talk show Unang Hirit (UH) at bukod sa Mr. Kupido at inawit din niya ang “Nakapagtataka” sa game na inihanda para sa kanya at sa hosts ng show.

Source: racheljalejandro (Instagram)

Pero 'yan, kinumusta muna ng hosts na sina Suzi Entrata-Abrera at Lyn Ching ang buhay ngayon ni Rachel sa New York.

Aniya, sobrang lamig na raw sa lugar dahil sa snow at nami-miss na raw niya ang tropical season sa Pilipinas.

“Dito sa Manhattan where I am medyo natatabi naman nila 'yung [snow.] Nakakalakad naman nang maayos ang mga tao sa kalsada, pero a few days ago binawal ang mga sasakyan even sa daan kasi nga delikado rin dahil baka madulas.

“Nami-miss ko 'yung init dyan sa Pilipinas. Kakagaling ko lang sa pagbisita dyan. I spent the holidays there until the end of January with my family. Kung saan-saan akong beach nagpunta. Sinulit ko na,” kuwento niya.

Nabanggit din niya ang tungkol sa nag-viral na litrato niya sa isa sa mga beach trip niya kung saan napagkamalan siya ng ilang netizen na si Vice President Leni Robredo.

“Natawa nga ako kasi pati 'yung beach parang resort ba 'yon or 'yung bar do'n talagang, 'This where Rachel Alejandro had that viral photo,'” aniya.

Samantala, dahil month of love na, inihandog ni Rachel ang kanyang pre-Valentines treat sa viewers ng Unang Hirit sa pamamagitan ng awitin niyang “Mr. Kupido.”

“Mr. Kupido is so back...because it's Valentine's Day soon. Parang Jose Mari Chan pag Pasko,” aniya pa sa social media.

Source: racheljalejandro (Instagram)

Panoorin ang kanyang nakakikilig na performance sa video sa itaas.

Samantala, silipin ang buhay ni Rachel Alejandro sa Manhattan, New York gallery na ito: