Around GMA

Article Inside Page

Bahagi ng upcoming GMA Prime series na Never Say Die si Kapuso actor Raheel Bhyria.

Ito ang action-drama serye na pagbibidahan nina Star of the New Gen Jillian Ward at Pambansang Ginoo David Licauco.

Iikot ang kuwento nito sa anak ng pulis na makikipag-team up sa isang investigative journalist para pabagsakin ang malaking sindikato.

Inilarawan ni Raheel ang karakter na gagampanan niya sa serye.

"'Yung character ko naman, hindi siya ganoon ka action-action, kumpara kina Joey, (si) Jillian or si Andrew which is David. Ginawa nila 'kong medyo lampa. Sa unang scenes, spoiler, binalibag ako ni Jillian," kuwento ng aktor.

Samantala, nag-train naman si Jillian sa taekwondo at iba pang martial arts bilang paghahanda niya sa serye.

"Nakapag-dalawang martial arts class po ako tapos isa pong taekwondo class. Natutunan ko po 'yung basics--paano 'yung form, paano talaga sumipa nang may power, kung ano 'yung tamang tindig," lahad niya.

Makakasama nina Jillian, David, at Raheel sa Never Say Die ang malaki at all star-cast kabilang sina Richard Yap, Kim Ji-soo, at Analyn Barro.

Bahagi rin nito sina Raymart Santiago, Angelu de Leon, Wendell Ramos, Ayen Munji-Laurel, Jonathan Villoso, at Ms. Gina Alajar.

Panoorin ang buong panayam ni Nelson Canlas kay Raheel Bhyria para sa 24 Oras sa video sa itaas.