Rainier Castillo, inaming nagkaroon ng 2 girlfriends noon nang sabay
Around GMA
Around GMA
Concern raised over maggots in lechon at Davao City restaurant Coca-Cola Philippines’ iSTAR Program Powers Family-Owned Carinderia’s Rise in Cebu P-pop boy group VXON announces first concertArticle Inside Page
Showbiz News
Aminado si Rainier Castillo na may pinagsabay siyang girlfriend noon pero matagal niya na itong pinagsisihan.
Inamin ni StarStruck Season 1 First Prince na si Rainier Castillo na may pinagsabay siyang girlfriend noon pero aminado rin siya mali ang kanyang ginawa.
Sa pagsalang ni Rainier sa “Fast Talk” kasama ang batikang TV host na si Boy Abunda, isa sa naging katanungan ni Boy sa aktor ay, “Oo o hindi, may pinagsabay na girlfriend noon?”
“Oo,” sagot naman dito ni Rainier.
Sa pagpapatuloy ng kanilang kuwentuhan ni Boy kasama ang kaibigan at kapwa StarStruck survivor na si Mark Herras, binalikan ng una ang naging pag-amin na ito ni Rainier.
“Sinadya mo ba o nagkataon lamang?” tanong ni Boy kay Rainier tungkol sa naging pantu-two-time nito noon.
Kuwento naman ni Rainier, “Kapusukan…Siguro gusto ko lang po masubukan noong mga time na 'yun. Curious ako kung ano ba ang pakiramdam pero mahirap din pala. Hindi rin talaga tumagal 'yun.”
Biro niya, “Mahirap 'yung time management tapos hindi puwedeng isa lang ang cellphone mo, dapat magkaiba yan.”
Paglilinaw niya, “Hindi po, hindi po tama. Mali 'yun.”
Samantala, muli namang mapapanood si Rainier sa kanyang comeback acting project, at upcoming action series na Black Rider.
Patuloy naman na tumutok sa Fast Talk with Boy Abunda pagkatapos ng The Seed of Love sa GMA Afternoon Prime via television broadcast sa GMA at sa iba pang digital platforms.
